బర్గర్ అంటే మీకు చాలా ఇష్టమా?... ఈ థ్రిల్లింగ్ వీడియో మీకోసమే!

బర్గర్ తినడం అంటే చాలా మందికి చాలా ఇష్టం అనే సంగతి తెలిసిందే. వేడి వేడి బర్గర్ ని ఉఫ్ఫూ ఉఫ్ఫూ ఊదుకుంటూ లాగించేస్తుంటే ఆ మజాయే వేరని అంటుంటారు ఫుడ్ లవర్స్. అలాంటి బర్గర్ తోనే ఇల్లు కనిపిస్తే..? ఆ ఇంట్లో బర్గర్ తో తయారు చేసినట్లు కనిపించే మంచం, లివింగ్ రూమ్ కూడా కనిపిస్తే..? అక్కడున్న ఛైర్ లు, సోఫాలూ కూడా బర్గర్ తోనే దర్శనమిస్తే.. ఎలా ఉంటుంది?

అవును... మీరు చదివింది నిజమే! చూడబోయేది నిజమే!.. కాకపోతే ఆ నిజం ఆర్టిఫిషియల్ ఇంటెలిజెన్స్ సృష్టించిన నిజం లాంటి మాయ! దీనికి సంబంధించిన వీడియో ఇప్పుడు నెట్టింట సందడి చేస్తుంది. ఇల్లే బర్గర్ లా కనిపిస్తుందని.. లోపలికి వెళ్తే బర్గర్ లివింగ్ రూమ్ దర్శనమిస్తుంది.. కాస్త లోపలికి వెళ్లగానే బర్గర్ బెడ్ వెల్ కం చెబుతుంది.. బర్గర్ బాత్ టబ్ కూడా కనిపిస్తుంది.

వివారాళ్లోకి వెళ్తే... ఓ ఇన్ స్టా యూజర్ ఆర్టిఫిషియల్ ఇంటెలిజెన్స్ ను ఉపయోగించి బర్గర్ వర్చువల్ ఇంటిని రూపొందించారు. కళ్లను మాయ చేస్తున్న ఈ వీడియోను నెట్టింట పోస్ట్ చేశారు. ఇందులో ముందుగా పెద్ద బర్గర్ తో రూపొందించిన ఇల్లు కనిపిస్తుంది. లోపలికి వెళ్లగానే బర్గర్ షేప్ లోనే సోఫా, బెడ్, బాత్ టబ్, బర్గర్ వాష్ రూమ్ మొదలైనవి దర్శనమిస్తాయి.

గదిలో నాలుగు వైపులా బర్గర్ స్థంభాలు కనిపిస్తాయి! ఎటు చూసినా టమాటా ముక్కలు, చీజ్ ఊరిస్తుంటుంది. ఈ వీడియో ఇప్పుడు నెట్టింట వైరల్ గా మారింది. దీంతో... ఈ వీడియోపై మెక్ డొనాల్డ్స్ స్పందించింది. ఈ డిజైనర్ ఆలోచనా విధానం బర్గర్లను బాగా ఇష్టపడే చిన్న పిల్లల సంబరంలా ఉందంటూ సోషల్ మీడియాలో రాసుకొచ్చింది. ఇక తమ క్రియేటివిటీకి పని చెబుతూ కామెంట్లతో సందడి చేస్తున్నారు నెటిజన్లు.

ఇందులో భాగంగా... "అద్భుతం!... ఫ్రెంచ్ ఫ్రైస్ హౌస్ కోసం వెయిటింగ్ ఇక్కడ" అని ఒకరు స్పందిస్తే... "నా జీవితాంతం జీవించగలిగే ఓ ఆహార నిలయం ఇది" అని మరొకరు స్పందించారు. మరికొంతమంది ఇది తమ డ్రీమ్ హౌస్ అని రాసుకొస్తే... ఈ ఇంట్లో బర్గర్ రాజు నివసిస్తున్నాడని పందెం వేస్తున్నానంటూ మరొకరు వ్యాఖ్యానించారు. ప్రస్తుతం ఈ వీడియో నెట్టింట హల్ చల్ చేస్తోంది.