ఎన్నాళ్ళకెన్నాళ్ళకు టీడీపీ ఆఫీసుకు బాబు....!

ఏపీలో మంగళగిరిలో అద్భుతమైన భవనం టీడీపీ పార్టీకి ఉంది. అక్కడ నుంచే కేంద్ర కార్యలయం గా చేసుకుని పార్టీ మొత్తం ఏపీ యాక్టివిటీని నిర్వహిస్తుంది. చంద్రబాబు ఏపీలో విపక్షంలో ఉండగా వారంలో అయిదు రోజులు ఆ ఆఫీసులోనే ఉంటారు. అలాంటి బాబుని సెప్టెంబర్ 10న ఏసీబీ అరెస్ట్ చేసింది. కోర్టు రిమాండ్ విధించింది.

దాంతో బాబు మంగళగిరి ఆఫీసుకు దూరం అయిపోయారు. అలా ఏకంగా మూడు నెలల టైం పట్టేసింది. మళ్ళీ ఇన్నేళ్ల తరువాత చంద్రబాబు బుధవారం మంగళగిరి ఆఫీసుకుని వచ్చారు. దాంతో మంగళగిరి ఆఫీస్ వద్ద ఉత్సహాపూరితమైన వాతావరణం ఏర్పడింది.

చంద్రబాబు రాకతో అక్కడ అంతా హుషార్ చేశారు. ఇక టీడీపీ కార్యకర్తలు బాబుకు ఘన స్వాగతం పలికారు. ఈ సందర్భంగా బాబు వచ్చిన శుభవేళ అని అదే మంచి ముహూర్తంగా భావించి చాలా మంది నేతలు టీడీపీలో చేరారు.

ఇదిలా ఉంటే చంద్రాబబు రానున్న ఎన్నికల కోసం మంగళగిరి ఆఫీసు నుంచే చాణక్య రాజకీయానికి తెర తీయనున్నారు అని అంటున్నారు. ఇక మీదట ప్రతీ రోజూ మంగళగిరి పార్టీ ఆఫీసు కళ కడుతుందని అంటున్నారు. అదే విధంగా పార్టీని జోరెత్తించే కార్యచరణను కూడా బాబు ఇవ్వబోతున్నారు. మరో వైపు చూస్తే చంద్రబాబు ఇక పార్టీని కూడా గేర్ మార్చి పరుగులు తీయిస్తారు అని అంటున్నారు.

రానున్న ఎన్నికలు టీడీపీకి చాలా ముఖ్యం అన్న సంగతి తెలిసిందే. ఈసారి ఎన్నికలలో కనుక టీడీపీ గెలవకపోతే చాలా ఇబ్బందులు ఎదురవుతాయి. అందుకే బాబు ఇప్పటి నుంచే పదునైన వ్యూహాలకు పని చెబుతున్నారు. మంగళగిరిలో ఎంత మంది నాయకులు ఉన్నా బాబు ఉంటేనే నిండుతనం అని కూడా టీడీపీ నేతలు అంటున్నారు.

మొత్తం మీద చూస్తే తెలుగుదేశం పార్టీకి కొత్త కళ తేవడానికి బాబు మంగళగిరి ఆఫీసులో ఇక ప్రతీ రోజూ కనిపిస్తారు అని అంటున్నారు. మరి 2024 ఎన్నికలలో ఆయన ఏ విధంగా టీడీపీ రధాన్ని నడిపించి విజయపధం చేరుస్తారో చూడాల్సి ఉంది.