జగన్ ఉద్యోగులే రాళ్లు వేస్తున్నారు: చంద్ర‌బాబు
విశాఖ జిల్లా గాజువాక స‌భ‌లో త‌న‌పై రాళ్లు విసిరిన ఘ‌ట‌న‌పై టీడీపీ అధినేత చంద్ర‌బాబు ఆగ్ర‌హం వ్య‌క్తం చేశారు.
విశాఖ జిల్లా గాజువాక స‌భ‌లో త‌న‌పై రాళ్లు విసిరిన ఘ‌ట‌న‌పై టీడీపీ అధినేత చంద్ర‌బాబు ఆగ్ర‌హం వ్య‌క్తం చేశారు. గాజువాక స‌భ లో చంద్ర‌బాబు ప్ర‌సంగిస్తున్న స‌మ‌యంలో వెనుక వైపుగా ఓ వ్య‌క్తి రెండు రాళ్లు రువ్వాడు. అయితే.. ఈ రాళ్లు స‌భ ప్రాంగణా నికి త‌గిలి కింద ప‌డ్డాయి. అయితే.. ఈ ఘ‌ట‌న‌ను రెండు మూడు నిమిషాల త‌ర్వాత.. చంద్ర‌బాబు గుర్తించారు. ఏం జ‌రిగింద‌ని ఆరా తీశారు. అనంత‌రం చంద్ర‌బాబు మాట్లాడుతూ.. సీఎం జగన్ ఉద్యోగులే ఈ రాళ్లు రువ్వుతున్నార‌ని మండిప‌డ్డారు.
``రాష్ట్రం అధికారం చేప‌ట్టిన సీఎం జగన్ యువ‌త‌కు కొన్ని ఉద్యోగాలు ఇచ్చాడు. గంజాయి, బ్లేడ్ బ్యాచ్ ఉద్యోగాలు సంపాయించి న కొంద‌రు.. రాష్ట్రంలో చెల‌రేగిపోతున్నారు. ఈ గంజాయి, బ్లేడు బ్యాచ్ ముఠాలే నాపై రాళ్లు రువ్వాయి. నిన్న గుల‌క‌రాయి త‌గిలితేనే సీఎం జగన్ మోహ‌న్‌రెడ్డి ఆప‌శోపాలు ప‌డిపోతున్నారు. ఇప్పుడు నాపై విసిరిన రాయి ఎలా ఉందో చూడండి. ఇది త‌గిలి ఉంటే..ఏమ‌య్యేది? `` అని చంద్ర‌బాబు ప్ర‌శ్నించారు. ఇదీ.. జగన్ మోహ‌న్‌రెడ్డి ప‌రిపాల‌న.. ఇవీ.. యువ‌త‌కు ఇచ్చిన ఉద్యోగాలు.. అని చంద్ర‌బాబు నిప్పులు చెరిగారు.
తెనాలిలో జ‌న‌సేన అధినేత పవన్ క‌ల్యాణ్‌పై జ‌రిగిన రాళ్ల దాడిని కూడా చంద్ర‌బాబు ప్ర‌స్తావించారు. ``పవన్ క‌ల్యాణ్ ఈ రాష్ట్రం కోసం.. ఈ ప్ర‌జ‌ల కోసం త్యాగాలు చేస్తున్నాడు. ఆయ‌న‌పైనా రాళ్లు వేస్తున్నారు. ప‌ట్ట‌ప‌గ‌లే ఆయ‌న‌పై దాడి చేశారు. చుట్టూ లైట్లు ఉండ‌గానే నాపై రాళ్లు వేశారు. వీరికి బ‌రితెగింపు పెరిగింది. రాష్ట్రంలో కూట‌మి ప్ర‌భుత్వం వ‌స్తోంద‌ని.. తెలిసి వీరి ఆగ‌డాలు పెచ్చుమీరాయి`` అని చంద్ర‌బాబు వ్యాఖ్యానించారు. గంజాయి, బ్లేడ్ బ్యాచ్‌ల అరాచ‌కాలు పెరిగిపోయినా.. పోలీసులు ఏం చేస్తున్నార‌ని చంద్ర‌బాబు ప్ర‌శ్నించారు.