బాలీవుడ్ భామతో దావూద్ లవ్ స్టోరీ తెలుసా..?

1993 ముంబై వరుస పేలుళ్ల సూత్రధారి దావూద్‌ ఇబ్రహీం గురించి చర్చ మరోసారి తెరపైకి వచ్చిన సంగతి తెలిసిందే. ఈ సమయంలో అప్పట్లో వైరల్ అయిన అతడి లవ్ స్టోరీ మరోసారి చర్చల్లోకి వచ్చింది. సినిమాల్లో డాన్ ల పక్కన స్త్రీపాత్ర ఉండటం చాలానే చూసినప్పటీకీ... నిజజీవితంలో అండర్ వరల్డ్ డాన్ దావూద్ ఇబ్రహీం ప్రేమకథ అప్పట్లో ఒక సంచలనమనే చెప్పాలి. బాలీవుడ్ హీరోయిన్ తో ఈ డాన్ అప్పట్లో పీకల్లోతు ప్రేమలో మునిగిపోయాడు!

అవును... అండర్ వరల్డ్ డాన్ దావూద్ ఇబ్రహీం ఒకప్పుడు బాలీవుడ్‌ హీరోయిన్లతో ప్రేమాయణం నడిపాడు. ఒకానొక సమయంలో దావూద్... బాలీవుడ్ ని శాసించాడని చెబుతారు. ఇందులో భాగంగా.. నటీమణులతోపాటు నిర్మాతలు, దర్శకులు కూడా ఇతని వల్ల విలవిలలాడారని అంటుంటారు. ఈ సమయంలో దావూద్‌ ప్రేమాయణం నడిపిన హీరోయిన్లలో మందాకిని ఒకరు! దావూద్ - మందానికీ పెయిర్ అప్పట్లో హాట్ న్యూస్!

ఎనభై, తొంభై దశకంలో బాలీవుడ్‌ నటి మందాకిని తన అందచందాలతో కుర్రకారును ఓ ఊపు ఊపింది. రాజ్ కపూర్ తెరకెక్కించని "రాం తేరీ గంగా మైలీ"తో కెరీర్ ప్రారంభించిన మందాకినీ... ఈ సినిమా భారీ సక్సెస్ అందుకోవడంతో ఓవర్ నైట్ స్టార్ అయిపోయింది. దీంతో వరుస ఆఫర్లు క్యూ కట్టాయి. ఈ సమయంలో ఆ కుర్రకారుతో పాటు దావూద్ ఇబ్రహీం కూడా మందాకిని అందానికి మత్తెక్కిపోయాడు.

ఈ సమయంలో ఆమెను పిచ్చిగా ప్రేమించి, ఆమెనూ తన ప్రేమలో పడేశాడు ఈ డాన్. ఈ క్రమంలో చాలాకాలం చట్టాపట్టాలేసుకు తీరిగిన దావూద్ - మందానికీ జంట.. దేశవిదేశాల్లో క్రికెట్ మ్యాచ్ లు చూడటానికి కూడా వెళ్లేవారని అంటారు. ఈ సమయంలో బాలీవుడ్ స్టార్ హీరోయిన్ గా ఓ వెలుగు వెలుగుతున్న మందాకినీ కెరీర్ ని ఒక ఫోటో తలకిందులు చేసింది. అదే దుబాయ్ క్రికెట్ స్టేడియంలోని పిక్!

1994లో దుబాయ్‌ లోని ఓ క్రికెట్ స్టేడియంలో దావూద్ - మందాకినీ కలసి పక్కపక్కనే కూర్చున్న ఫోటో ఒకటి వెలుగులోకి వచ్చింది. ఈ ఒక్క ఫోటో అప్పట్లో పెను సంచలనం సృష్టించింది. దీంతో దావూద్ నేర కార్యకలాపాల్లో మందాకిని కూడా భాగస్తురాలే అంటూ పలు ఆరోపణలు తెరపైకి వచ్చాయి. ఈ క్రమంలో సినీ అవకాశాలు కూడా తగ్గడం మొదలయ్యాయి. దీంతో ఆమె కెరీర్ దెబ్బతింది!

ఈ క్రమంలో చివరిగా 1996లో విడుదలైన "జోర్డా"లో మందాకిని కనిపించింది. ఆ తర్వాత దుబాయ్‌ లో స్థిరపడిందని చెప్పేవారు. ఆమె ప్రముఖ వైద్యుడు కాగ్యూర్ రింపోచే ఠాకూర్‌ ను వివాహం చేసుకున్నారు. ఆమెకు ఇద్దరు పిల్లలు ఉన్నారు. ఇలా బాలీవుడ్ సినీ వినీలాకాశంలో ఎంతో ఎత్తుకు ఎదగాల్సిన మందాకిని కెరీర్‌... దావూద్‌ తో ప్రేమ వ్యవహారం కారణంగా పతనమై పోయింది. ఈ లవ్ స్టోరీ ఇప్పటికే హాట్ టాపిక్కే!!

కాగా... అండర్ వరల్డ్ డాన్ దావూద్ ఇబ్రహీం మరోమారు వార్తల్లో నిలిచిన సంగతి తెలిసిందే. అతనిపై విషప్రయోగం జరిగిందని, ఆసుపత్రిలో చికిత్స పొందుతున్నాడని కథనాలు వెలువడ్డాయి. ఈ సమయంలో దావూద్ గురించి చర్చ మరోసారి మొదలైంది. ఈ క్రమంలోనే మందాకినితో అతడి లవ్ స్టోరీ మరోసారి తెరపైకి వచ్చింది.