ఎన్నికల విధులు నిర్వహిస్తున్న సిబ్బంది మెనూ ఇదే!

దేశంలో జరుగుతున్న సార్వత్రిక ఎన్నికల విధులకు ఎంపిక చేసిన ఉద్యోగులకు రెండు రోజులపాటు పౌష్టికాహారంతో కూడిన భోజనాన్ని కేంద్రం ఎన్నికల సంఘం ఆదేశాలు జారీ చేసింది. ఈ మేరకు దానికి అనుగుణంగా విధి విధానాలతో మెనూ రూపొందించింది. ఎన్నికల సిబ్బందికి వేళకు ఆహారం అందించే బాధ్యతలను పర్యవేక్షించాలని పంచాయతీలు, మున్సిపాలిటీలను ఆదేశించింది.

తెలంగాణ, ఆంధ్రప్రదేశ్ రాష్ట్రాల్లో తెలంగాణలో 17 లోక్ సభ, ఏపీలో 175 శాసనసభ , 25 లోక్ సభ స్థానాలకు ఎన్నికలు జరగనున్నాయి. ఈ నేపథ్యంలో ఎన్నికల విధులకు హాజరుకానున్న ఉద్యోగులకు కమీషన్ మెనూను విడుదల చేసింది.

ఆదివారం సాయంత్రం పోలింగ్‌ కేంద్రాలకు ఎన్నికల సామగ్రితో సిబ్బంది చేరుకోగానే 4 గంటలకు సమోసా, మజ్జిగ, 5 గంటలకు మజ్జిగ లేదా నిమ్మరసం అందించాలి

రాత్రి 7 గంటల నుంచి 8 గంటల మధ్య భోజనం. ఇందులో అన్నం, కూర, చపాతీ, టమాటా పప్పు, పెరుగు, చట్నీ వడ్డించాలి.

సోమవారం పోలింగ్ రోజు ఉదయం 6 గంటలకు టీ తో పాటు రెండు అరటి పండ్లు ఇవ్వాలి

ఉదయం 8 నుంచి 9 మధ్య క్యారట్‌, టమాటాతో కూడిన ఉప్మా, పల్లీల చట్నీ అందించాలి

ఉదయం 11, 12 గంటల సమయంలో మజ్జిగ అందించాలి

మధ్యాహ్నం ఒంటి గంటకు భోజనం. ఇందులో కోడిగుడ్డు కూర, ఓ కూరగాయ, చట్నీ, సాంబారు, పెరుగు అందించాలి

మధ్యాహ్నం 3, 4 గంటల సమయాల్లో మజ్జిగ లేదా నిమ్మరసం అందించాలి

సాయంత్రం 5.30 గంటలకు టీతో పాటు బిస్కెట్లు అందించాలి