జగన్ కు మహేష్ విషెస్... నాగార్జున ఆకాంక్ష ఇదే!

నేడు ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి జన్మదినం కావడంతో వైసీపీ శ్రేణుల సంబరాలు అంబరాన్నంటుతున్నాయి. దేశవిదేశాల్లోని జగన్ ఫ్యాన్స్... ఆయన బర్త్ డే సంబరాలు చేసుకుంటున్నారు. ఈ సందర్భంగా అన్నదాన కార్యక్రమాలు, రక్తదాన శిభిరాలు పెద్ద ఎత్తున జరుగుతున్నాయి. వాటికి సంబంధించిన ఫోటోలు, వీడియోలు నెట్టింట వైరల్ అవుతున్నాయి. ఈ సమయంలో జగన్ కు పలువురు ప్రముఖులు జన్మదిన శుభాకాంక్షలు చెబుతున్నారు. ఈ సమయంలో సూపర్ స్టార్ మహేష్ బాబు స్పందించారు.

అవును... నేడు ఏపీ ముఖ్యమంత్రి, వైసీపీ అధినేత వైఎస్ జగన్ మోహన్ రెడ్డి పుట్టిన రోజు కావడంతో నెట్టింట శుభాకాంక్షలు వెళ్లివెత్తుతున్నాయి. ఈ క్రమంలో టాలీవుడ్ సూపర్ స్టార్ మహేష్ బాబు... జగన్ కు ఆన్ లైన్ వేదికగా జన్మదిన శుభాకాంక్షలు తెలిపారు. ఇందులో భాగంగా... ఈ ఏడాది మీరు మరిన్ని విజయాలతో, మరింత సంతోషంతో, నిండు ఆరోగ్యంతో ఉండాలని మహేష్ బాబు తన ఆకాంక్షను ట్వీట్టర్ లో తెలియజేశారు. ప్రస్తుతం ఇది వైరల్ గా మారింది.

ఇదే సమయంలో... సీఎం జగన్‌ మోహన్‌ రెడ్డికి ప్రముఖ హీరో అక్కినేని నాగార్జున పుట్టినరోజు శుభాకాంక్షలు తెలిపారు. ఇలాంటి పుట్టినరోజులు మరెన్నో జరుపుకోవాలని ఆయన కోరారు. నిత్యమూ సుఖ సంతోషాలతో ఉండాలని అక్కినేని నాగార్జున ఈ సందర్భంగా ఆకాంక్షించారు. ఈ సందర్భంగా... జగన్‌ కు శుభకాంక్షలు తెలుపుతూ తన ట్విట్టర్ పేజీలో ఒక పోస్ట్‌ చేశారు.

మరోపక్క ఇప్పటికే ప్రధాని నరేంద్ర మోడీతో పాటు ఆంధ్రప్రదేశ్‌ రాష్ట్ర గవర్నర్‌ అబ్దుల్‌ నజీర్‌ కూడా సీఎం జగన్‌ కు శుభాకాంక్షలు తెలిపారు. ఇందులో భాగంగా... "సీఎం జగన్ ఆయురారోగ్యాలతో, సంతోషంగా ఉండాలి" అని ప్రధాని ఆకాంక్షించగా... ఏపీ రాష్ట్ర గవర్నర్ అద్బుల్ నజీర్ జగన్ కు హృదయపూర్వక శుభాకాంక్షలు తెలిపారు!

కాగా... నేడు ఏపీ ముఖ్యమంత్రి వైఎస్ జగన్ పుట్టినరోజు కావడంతో రెండు తెలుగు రాష్ట్రాలతో పాటు ఇతర రాష్ట్రాలు, విదేశాల్లోనూ వైసీపీ శ్రేణులు భారీఎత్తున సేవా కార్యక్రమాలను చేపట్టాయి. ఇందులో భాగంగా రాష్ట్రంలోని అన్ని నియోజకవర్గాల్లో మొక్కలు నాటడంతో పాటు అన్నదాన, వస్త్రదాన కార్యక్రమాలు చేస్తున్నారు.

ఇదే సమయంలో ఆస్పత్రుల్లో రోగులకు పండ్లు పంపిణీ చేయడంతోపాటు ప్రధానంగా... రక్తదాన శిబిరాలు కూడా రాష్ట్రవ్యాప్తంగా పెద్ద ఎత్తున నిర్వహిస్తున్నారు. ఈ సమయంలోనే ప్రధాని, గవర్నర్ తో పాటు సూపర్ స్టార్ మహేష్ బాబు, కింగ్ నాగార్జున లు ఏపీ ముఖ్యమంత్రి వైఎస్ జగన్ కు శుభాకాంక్షలు తెలిపారు.