పార్ల‌మెంటుపై దాడి.. `మూడు నినాదాల` టార్గెట్ ఎవ‌రు?
పార్ల‌మెంటు లోప‌ల అల‌జ‌డి సృష్టించిన వారు ఇద్ద‌రు యువ‌కులు కాగా, పార్ల‌మెంటు ఆవ‌ర‌ణ బ‌య‌ట భాగంలో ఓ మ‌హిళ స‌హా మరో వ్య‌క్తి.. పార్ల‌మెంటుకు వ్య‌తిరేకంగా నినాదాలు చేశారు.
అత్యంత క‌ట్టుదిట్ట‌మైన భ‌ద్ర‌త‌లో ఉన్న భార‌త పార్ల‌మెంటులోకి ఇద్ద‌రు దుండ‌గులు ప్ర‌వేశించ‌డ‌మే ఒక ఆశ్చ‌ర్య‌క‌ర‌మైన విష‌య‌మైతే.. వారు టియ‌ర్ గ్యాస్ ప్ర‌యోగించ‌డం.. స‌భ‌లో భ‌యోత్పాతం సృష్టించ‌డం.. మరో దిగ్భ్రాంతికర విషయం. అయితే.. ఈ క్ర‌మంలో పోలీసులు ప‌ట్టుకున్న స‌ద‌రు ఇద్ద‌రు ఆగంత‌కుల తో పాటు.. పార్ల‌మెంటు బ‌య‌ట కూడా ఇద్ద‌రు భార‌త్ వ్య‌తిరేక నినాదాలు చేయ‌డం గ‌మ‌నార్హం.
పార్ల‌మెంటు లోప‌ల అల‌జ‌డి సృష్టించిన వారు ఇద్ద‌రు యువ‌కులు కాగా, పార్ల‌మెంటు ఆవ‌ర‌ణ బ‌య‌ట భాగంలో ఓ మ‌హిళ స‌హా మరో వ్య‌క్తి.. పార్ల‌మెంటుకు వ్య‌తిరేకంగా నినాదాలు చేశారు. వీరిని కూడా పోలీసులు అదుపులోకి తీసుకున్నారు. ఇక, వీరు చేసిన మూడు నినాదాలు కూడా అత్యంత చ‌ర్చ‌నీయాంశం అయ్యాయి. అంతేకాదు.. ఈ నినాదాల వెనుక టార్గెట్ ఎవ‌రు? అనేది కూడా తీవ్ర చ‌ర్చ‌నీయాంశం అయింది.
ఇవీ నినాదాలు
+ భార‌త రాజ్యాంగాన్ని ప‌రిర‌క్షించండి
+ చీక‌టి చ‌ట్టాల‌ను ర‌ద్దు చేయండి
+ నియంత పాల‌న ర‌ద్దు కావాలి.
ఈ నినాదాలు ఎవ‌రిని ఉద్దేశించి చేశార‌నేది కూడా ఆసక్తిగా మారింది. ప్ర‌స్తుతం కేంద్ర ప్ర‌భుత్వం ఇటీవ‌లే జ‌మ్ము క‌శ్మీర్‌కు సంబంధించి ర‌ద్దు చేసిన 370 ఆర్టిక‌ల్‌ను సుప్రీంకోర్టు స‌మ‌ర్థించ‌డం.. ఆ వెంట‌నే ఇక్క‌డ ఎన్నిక‌ల‌కు కేంద్రంలోని మోడీ స‌ర్కారు స‌మాయ‌త్తం అవుతున్న నేప‌థ్యంలో అనూహ్యంగా.. ఈ దాడి చోటు చేసుకోవ‌డంతో దీని వెనుక జ‌మ్ము క‌శ్మీర్ కు చెందిన వారి ప్ర‌మేయం ఉందా? అనే చ‌ర్చ సాగుతుండ‌డం గ‌మ‌నార్హం.