పిట్ట.. డేగ.. నారాయణ.. తమ్ముడి భార్య ప్రియ సంచలనం

మాజీ మంత్రి నారాయణపై సంచలన వ్యాఖ్యలు చేశారు ఆయన తమ్ముడి సతీమణి ప్రియ. పన్నెండు నిమిషాల నిడివి ఉన్న వీడియోను ఇన్ స్టాలో పోస్టు చేసిన ఈ వీడియోలో పలు ప్రైవేటు అంశాలతో పాటు.. సంచలన ఆరోపణలు ఉన్నాయి. తానొక కథ చెబుతానంటూ నవ్వుతూ మొదలు పెట్టిన ఈ వీడియోలో ఇంటి విషయాలతో పాటు.. నారాయణకు ఇద్దరు భార్యలన్న విషయాన్ని.. వారి కుటుంబ వివరాల్ని వెల్లడించారు.

అత్తమామలకు క్లీన్ చిట్ ఇవ్వటంతో పాటు.. భర్త మీదా కించిత్ ఆరోపణలు చేయని ప్రియ.. తన వీడియో మొత్తంలోనూ నారాయణ మీద షాకింగ్ ఆరోపణలు చేశారు.

తన పెళ్లి సంబందాలు పదహారేళ్ల వయసు నుంచే మొదలైనట్లు చెప్పిన ఆమె.. తన తండ్రి పోలీసు అధికారి అని.. నెల్లూరు జిల్లాలో పాత తరం వారికి సుపరిచితమని చెబుతూ.. ఆయన పలు పరిమితుల మధ్య తనను పెంచినట్లుగా చెప్పుకొచ్చారు. తనను అకారణంగా టార్చర్ పెట్టిన వైనాన్ని ఆమె పూసగుచ్చినట్లుగా చెప్పుకొచ్చారు.

ఇంట్లో రెండో భార్య ఉన్నప్పటికి తనను అన్నం తీసుకురాలేదని కొట్టారంటూ సంచలన ఆరోపణలు చేసిన ఆమె.. తనను అకారణంగా కొడుతున్న వేళ.. ఎప్పుడూ మాట్లాడని మామగారు సైతం బయటకు వచ్చి.. నారాయణ తీరును తీవ్రంగా ఖండించారన్నారు.

గత ఎన్నికల్లో ప్రచారం చేయాలని నారాయణ ఇబ్బంది పెట్టారన్న ఆమె.. తన కుటుంబాన్ని కూడా ఇబ్బందులకు గురి చేసినట్లుగా పేర్కొన్నారు. మొత్తంగా ఈ వీడియోతో నారాయణ తీరుపై పలు సందేహాలకు గురి చేసేలా ప్రియ వీడియో ఉంది.

నారాయణ మీద షాకింగ్ ఆరోపణలు చేసిన ఆమె.. మరో వీడియోలో మరిన్ని వివరాలు చెబుతానని ముక్తాయించారు.. మరి.. ఈ సంచలన ఆరోపణల మీద నారాయణ రియాక్టు అవుతారా? లేదా? అన్నది తేలాల్సి ఉంది.