చంద్రబాబు అరెస్ట్... రజనీకాంత్ కీలక వ్యాఖ్యలు!

స్కిల్ డెవలప్ మెంట్ స్కాం కేసులో అరెస్టై రాజమండ్రి సెంట్రల్ జైల్లో ఉన్న చంద్రబాబుకు పలు రాష్ట్రాల్లోని కీలక నాయకులు మద్దతు పలుకుతూ స్పందిస్తున్న సంగతి తెలిసిందే. ఇందులో భాగంగా "ఇండియా" కూటమి నుంచి జాతీయస్థాయి నేతలు పలువురు చంద్రబాబు అరెస్టును ఖండిస్తూ స్పందించారు. ఇందులో భాగంగా తాజాగా రజనీకాంత్ స్పందించారు.

అవును... స్కిల్ డెవలప్ మెంట్ స్కాం లో అరెస్టైన చంద్రబాబుకు ఇప్పటికే మమతా బెనర్జీ, అఖిలేష్ యాదవ్ తో పాటు పలువురు నేతలు స్పందించిన సంగతి తెలిసిందే. ఈ క్రమంలో తాజాగా సూపర్ స్టార్ రజనీకాంత్.. చంద్రబాబు అరెస్ట్ పై స్పందించారు. ఈ సందర్భంగా లోకేష్ కు ఫోన్ చేసి మాట్లాడారని తెలుస్తుంది.

తాజాగా చంద్రబాబు అరెస్ట్ పై లోకేష్ ను ఫోన్ లో పరామర్శించారు సూపర్ స్టార్ రజనీకాంత్. ధైర్యంగా ఉండాలని సూచించారని తెలుస్తుంది. ఇదే సమయంలో అక్రమ కేసులు చంద్రబాబును ఏమీ చేయలేవంటూ భరోసా ఇచ్చారని సమాచారం.

కాగా... ఆంధ్రప్రదేశ్‌ లోని విజయవాడలో జరిగిన ఎన్‌టి రామారావు శత జయంతి వేడుకలకు సూపర్ స్టార్ రజనీకాంత్ ముఖ్య అతిధిగా హాజరైన సంగతి తెలిసిందే. నందమూరి బాలకృష్ణ స్వయంగా విమానాశ్రయానికి వెళ్లి రజనీకాంత్‌ ను రిసీవ్ చేసుకున్నారు. ఈ సందర్భంగా చంద్రబాబుని ఆకాశానికెత్తుతూ రజనీ ప్రసంగించిన సంగతి తెలిసిందే.