శంషాబాద్ లో ఆకాశపు తిమింగలం... పిక్స్ వైరల్!

ప్రపంచంలోనే అతిపెద్ద కార్గో ఎయిర్‌ క్రాఫ్ట్‌ లలో ఒకటైన ఎయిర్‌ బస్ బెలూగా హైదరాబాద్ అంతర్జాతీయ విమానాశ్రయంలో దిగింది. ఈ సందర్భంగా దీన్ని చూసేందుకు ప్రయాణికులు ఆసక్తి కనబరిచారు. గడిచిన ఎనిమిది నెలల్లో ఎయిర్‌ బస్ బెలూగా హైదరాబాద్ విమానాశ్రయంలో దిగడం ఇది రెండోసారి.

అవును... ప్రపంచంలోనే అతిపెద్ద కార్గో విమానం ఎయిర్ బస్ బెలూగా.. హైదరాబాద్ లోని అంతర్జాతీయ విమానాశ్రయంలో దిగింది. ఈ సందర్భంగా... హైదరాబాద్ విమానాశ్రయం మరోసారి ఆకాశపు తిమింగలానికి ఆతిథ్యమిస్తోందని ఎయిర్‌ పోర్ట్ ఆపరేటర్ జీఎంఆర్ హైదరాబాద్ ఇంటర్నేషనల్ ఎయిర్‌ పోర్ట్ లిమిటెడ్ తెలిపింది.

అయితే అత్యంత భారీగా ఉండే ఈ ఎయిర్‌ బస్ బెలూగా కార్గోను రవాణా చేయడానికి ప్రసిద్ధి చెందింది. ఈ విమానం ల్యాండింగ్, పార్కింగ్, టేకాఫ్ కోసం ప్రత్యేకంగా ఏర్పాట్లు చేయాల్సి ఉంటుంది. ఒకేసారి 47 టన్నుల బరువు మోయగల సామర్థ్యాన్ని కలిగి ఉంటుంది ఈ బెలూగా.

184 అడుగుల పొడవు, 56 అడుగుల ఎత్తు, ఒక్కో రెక్క వైశాల్యం 2800 చదరపు అడుగులు కలిగిన ఈ విమానం మొత్తం బరువు 86 టన్నులపైగానే ఉండటం గమనార్హం. అయితే బెలూగా కార్గో విమానం 2022 డిసెంబర్ లో శంషాబాద్ ఎయిర్ పోర్టులో తొలిసారిగా ల్యాండ్ అయింది.

కాగా... 1996లో మొదటిసారిగా ఎయిర్ బస్... ఈ అతిపెద్ద ఈ కార్గో విమానాన్ని తయారుచేసింది. అనంతర కాలంలో అనేక మార్పులు చేస్తూ సామర్థ్యం పెంచుకుంటూ వస్తోంది.