మోడీ ఆగ‌మ‌నం వేళ‌.. షాకిచ్చేలా కాంగ్రెస్ ప్ర‌చారం!

రాజ‌కీయాల్లో ప్ర‌త్య‌ర్థి పార్టీల మ‌ధ్య విమ‌ర్శ‌లు, ప్ర‌తి విమ‌ర్శ‌లు కామ‌న్‌. పైగా ఎన్నిక‌ల వేళలో ఈ దూకుడు మ‌రింత ఎక్కువ‌గా ఉంటుంది. అయితే.. ఈ ద‌ఫా తెలంగాణ‌లో అధికారంలోకి రావాల‌ని భావిస్తున్న కాంగ్రెస్ పార్టీ వినూత్న ప్ర‌చారం దిశ‌గా అడుగులు వేస్తున్న విష‌యం తెలిసిందే. ఇప్ప‌టికే యూట్యూబ్ రీల్స్‌, వీడియోలు, షార్ట్ ఫిల్మ్ వంటివాటిలో దూకుడుగా ఉంది. ఇక‌, మ‌రోవైపు నాయ‌కులు మాట‌ల తూటాలు పేలుస్తున్నారు. మొత్తంగా అధికార పార్టీ బీఆర్ ఎస్‌-దీనికి మిత్ర‌ప‌క్షంగా ఉన్న ఎంఐఎంల‌ను బీజేపీతో అంట‌గ‌డుతూ.. కాంగ్రెస్ పెద్ద ఎత్తున ప్ర‌చారం చేస్తోంది.

బీఆర్ ఎస్ అధినేత కేసీఆర్‌, ఎంఐఎం అధినేత అస‌దుద్దీన్ ఓవైసీలు.. ప్ర‌ధాని, బీజేపీ అగ్ర‌నేత న‌రేంద్ర మోడీ చేతిలో కీలు బొమ్మ లు అంటూ.. త‌ర‌చుగా కాంగ్రెస్ పీసీసీ చీఫ్ రేవంత్ రెడ్డి విమ‌ర్శిస్తున్న విష‌యం తెలిసిందే. ఈ రెండు పార్టీల‌ను కూడా ఢిల్లీలోని మోడీ ఆడిస్తున్నార‌ని కూడా ఆయ‌న ప్ర‌చారంలో దంచి కొడుతున్నారు. ఈ విష‌యం జోరుగా చ‌ర్చ‌కు కూడా వ‌స్తోంది. అయితే.. ఇదే అంశాన్ని చిత్రం రూపంలో చూపితే ఎలా ఉంటుంద‌నే ఆలోచ‌న‌తో కాంగ్రెస్ నాయ‌కులు.. హైద‌రాబాద్‌లోని హైటెక్ సిటీ, ఖైర‌తాబాద్, ఎల్బీ న‌గ‌ర్‌ త‌దిర‌త ప్ర‌ధాన కూడ‌ళ్ల‌లో బొమ్మ‌ల రూపంలో ఈ విష‌యాన్ని ప్ర‌చారంలోకి పెట్టింది.

పైన మోడీ ఉంటారు. ఆయ‌న రెండు చేతుల్లో ఒక‌దానిలో కేసీఆర్‌, మ‌రోదానిలో ఓవైసీ ఉంటారు. ఈ రెండు బొమ్మ‌ల‌ను మోడీ ఆడిస్తున్న‌ట్టుగా కాంగ్రెస్ రూపొందించిన ఈ చిత్రం అమితంగా ఆక‌ర్షిస్తోంది. ఒక‌ప్పులు తోలు బొమ్మ‌లాట‌లో తెర‌వెనుక ఉండేవారు ఆడించిన‌ట్టుగా మోడీ .. ఈ ఇద్ద‌రినీ ఆడిస్తున్నార‌నే సందేశాన్ని ఈ చిత్రం ద్వారా కాంగ్రెస్ ప్ర‌జ‌ల్లోకి పంపుతోంది. కాగా, మాదిగ‌ల స‌భ‌కు ప్ర‌ధాని న‌రేంద్ర మోడీ హాజ‌రువుతున్న నేప‌థ్యంలో కాంగ్రెస్ పార్టీ నాయ‌కులు ఏర్పాటు చేసిన ఈ చిత్రాలపై ఆస‌క్తి పెరిగింది. మొత్తానికి కాంగ్రెస్ ఎంచుకున్న వినూత్న పంథాతో కూడిన ప్ర‌చారం ఏమేర‌కు మేలు చేస్తుందో చూడాలి.