కరోనా కన్నీటి దృశ్యం..పచ్చని పందిట్లో తాళి కట్టాల్సిన వరుడు కడతేరిపోయాడు...
కళ్ళు చెమర్చే కరోనా కన్నీటి దృశ్యమిది. పచ్చని పందిట్లో వధువు మెడలో మూడు ముళ్ళు వేయాల్సిన వరుడు కరోనాతో మృతి చెందాడు.అత్యంత తీవ్ర విషాదం నింపిన ఈ సంఘటన కర్నూలు జిల్లాలో జరిగింది.
ఆదోనిలోని 11వ వార్డుకు చెందిన యువకుడి(28)కి కొద్ది రోజుల కిందట నిశ్చితార్ధం జరుగగా ఈ నెల 6వ తేదీన పెళ్లి చేయాలని పెద్దలు నిర్ణయించారు. అందుకు ఇరు కుటుంబాల వారు అన్ని ఏర్పాట్లు చేసుకున్నారు. బంధువులు, మిత్రులకు పెళ్లి కార్డులు పంచేసారు. ఈ నేపథ్యంలో గత నెల 28వ తేదీన జ్వరంగా ఉండటంతో తీరిక లేని పనుల కారణంగా నలతగా ఉందేమోనని ఆ యువకుడు భావించాడు. అయినా పరిస్థితి అలాగే ఉండటంతో కరోనాను దృష్టిలో ఉంచుకుని పరీక్షలు చేయించుకోవడమే మేలనుకున్నాడు. స్థానికంగా ఓ ఏఎన్ఎంను కలసి నమూనాలు ఇచ్చాడు. ఆ ఫలితాలు రాకముందే అతడి పరిస్థితి విషమించడంతో కుటుంబీకులు హైదరాబాద్ కు తరలించారు. అక్కడ చికిత్స ఫలించక ఆ యువకుడు మంగళవారం రాత్రి మరణించాడు. తెల్లవారితే బుధవారం పచ్చని పెళ్లి పందిట్లో వధువు మెడలో తాళి కట్టాలిసిన వాడు కడతేరిపోయాడు. ఈ విషాద సంఘటన పెళ్లి అన్ని ఏర్పాట్లు చేసుకున్న వరుడి ఇంటా, మెట్టింటికి అడుగు పెట్టేందుకు గంపెడాశలతో ఎదురు చూస్తున్న పెళ్లి కూతురింట తీవ్ర విషాదాన్ని నింపింది. కరోనా తీవ్రతరం అయినప్పటి నుంచి ఇటువంటి ఘటనలు అధికమవడం ఆందోళన కలిగిస్తోంది.
ఆదోనిలోని 11వ వార్డుకు చెందిన యువకుడి(28)కి కొద్ది రోజుల కిందట నిశ్చితార్ధం జరుగగా ఈ నెల 6వ తేదీన పెళ్లి చేయాలని పెద్దలు నిర్ణయించారు. అందుకు ఇరు కుటుంబాల వారు అన్ని ఏర్పాట్లు చేసుకున్నారు. బంధువులు, మిత్రులకు పెళ్లి కార్డులు పంచేసారు. ఈ నేపథ్యంలో గత నెల 28వ తేదీన జ్వరంగా ఉండటంతో తీరిక లేని పనుల కారణంగా నలతగా ఉందేమోనని ఆ యువకుడు భావించాడు. అయినా పరిస్థితి అలాగే ఉండటంతో కరోనాను దృష్టిలో ఉంచుకుని పరీక్షలు చేయించుకోవడమే మేలనుకున్నాడు. స్థానికంగా ఓ ఏఎన్ఎంను కలసి నమూనాలు ఇచ్చాడు. ఆ ఫలితాలు రాకముందే అతడి పరిస్థితి విషమించడంతో కుటుంబీకులు హైదరాబాద్ కు తరలించారు. అక్కడ చికిత్స ఫలించక ఆ యువకుడు మంగళవారం రాత్రి మరణించాడు. తెల్లవారితే బుధవారం పచ్చని పెళ్లి పందిట్లో వధువు మెడలో తాళి కట్టాలిసిన వాడు కడతేరిపోయాడు. ఈ విషాద సంఘటన పెళ్లి అన్ని ఏర్పాట్లు చేసుకున్న వరుడి ఇంటా, మెట్టింటికి అడుగు పెట్టేందుకు గంపెడాశలతో ఎదురు చూస్తున్న పెళ్లి కూతురింట తీవ్ర విషాదాన్ని నింపింది. కరోనా తీవ్రతరం అయినప్పటి నుంచి ఇటువంటి ఘటనలు అధికమవడం ఆందోళన కలిగిస్తోంది.