చిరంజీవిని చూపించి రజనీని భయపెట్టిన అమితాబ్

రజనీకాంత్ రాజకీయ ప్రవేశంపై కొద్దిరోజులుగా నిత్యం ఏదో ఒక వార్త ప్రచారమవుతూనే ఉంది. అందుకు తగ్గట్లుగానే ఆయన కూడా తన అభిమానులు, రైతులతో సమావేశమవుతూ వారి అభిప్రాయాలను తెలుసుకుంటున్నారు. మరోవైపు రాజకీయ రంగంలో ఉండే తీవ్రమైన ఒత్తిడి ఆయన ఆరోగ్యంపై తీవ్ర ప్రభావాన్ని చూపిస్తుందని రజనీ కుటుంబీకులు ఆందోళన చెందుతున్నారట కూడా.
    
ఇలాంటి తరుణంలో రజనీకాంత్ మరో బాలీవుడ్ లెజెండ్ అమితాబ్ ను కలిశారు. ఆ సందర్భంగా రజనీకి ఆయన చేసిన సూచనలు ఇప్పుడు అందరిలో ఆసక్తి రేపుతున్నాయి. ముంబైలో తన తాజా చిత్రం షూటింగ్ లో ఉన్నప్పుడు బాలీవుడ్ సూపర్ స్టార్ అమితాబ్ ను రజనీ కలుసుకున్నారు. ఈ సందర్భంగా ఇద్దరూ రాజకీయాల గురించి మాట్లాడుకున్నారు. రాజకీయాల్లో తనకు ఎదురైన అనుభవాలను ఈ సందర్భంగా రజనీకి అమితాబ్ వివరించారట.
    
అంతేకాదు, ప్రజారాజ్యం పార్టీని స్థాపించిన చిరంజీవి... రాజకీయాల్లో ఎలా విఫలమయ్యారనే విషయాన్ని కూడా అమితాబ్ రజనీకి గుర్తు చేశారట.  ఈ నేపథ్యంలో, రాజకీయాల్లో తనకు ఎదురయ్యే సమస్యలు, వాటి ఫలితాలు ఎలా ఉంటాయో బేరీజు వేసుకుంటున్నారట రజనీకాంత్.   మరి... చిరంజీవి అనుభవాలను చూసి రజనీ గుణపాఠం నేర్చుకుంటారా... లేదంటే భయపడి రాజకీయాలకే దూరమవుతారా అన్నది చూడాలి.

Like Us on Facebook : https://www.facebook.com/Tupakidotcom/