ఉక్కు న‌గ‌రం ఉలిక్కి ప‌డే ఘ‌ట‌న చోటుచేసుకుంది. ప‌క్షుల రూపంలో ఉన్నప్ప‌టికీ...అచ్చూ మ‌నుషుల వలే నిలుచొని ఉన్న ఈ వింత జీవుల‌ను చూసి అంతా ఆశ్చ‌ర్య‌చ‌కితులు అయ్యారు. నిర్మాణంలో ఉన్న ఓ భ‌వ‌నంలో ఈ వింత జీవులు క‌నిపించాయి. మూడు జంతువులు మ‌నుషుల వలే నిలుచొని ఉండ‌టాన్ని గ‌మ‌నించిన భ‌వ‌న నిర్మాణ కార్మికులు ఈ విష‌యాన్ని ఇత‌రులకు చేర‌వేయ‌డంతో..ఈ ఘ‌ట‌న సోష‌ల్ మీడియాలో వైర‌ల్ అయింది.
ఆ నోటా ఈ నోటా పాకడంతో స‌ద‌రు నివాసానికి పెద్ద ఎత్తున వ‌చ్చిన వారు ఈ వింత జీవుల‌ను త‌మ కెమెరాల్లో బంధించేందుకు తెగ ఆస‌క్తిని ప్ర‌ద‌ర్శించారు. అయితే ఎంద‌రు అక్క‌డికి వ‌చ్చి సంద‌డి చేసినా...ఫోటోలు దింపినా..ఆ ప‌క్షులు కుదురుగా ఉండ‌టం ప‌లువురిని ఆశ్చ‌ర్యంలో ప‌డేసింది. కాగా, వీటిని ఆస్ట్రేలియాకు చెందిన బార్న్‌ జాతికి చెందిన గుడ్లగూబ పిల్లలుగా చెప్తున్నారు. ఈ మూడు ప‌క్షుల్లో రెండు పిల్ల‌ల‌ని తేలింది. చిన్న వ‌య‌సులో ఉన‌న పిల్ల‌ల‌ను త‌ల్లి ఆ గూటిలో ఉంచింద‌ని అంచ‌నా వేస్తున్నారు. ఈ ప‌క్షుల‌ను చూసేందుకు విశాఖ వాసులు పెద్ద ఎత్తున వ‌స్తుండ‌టం గ‌మ‌నార్హం.