‘భజ్జీ’ చెన్నైకి బరువైనా.. కోల్​కతా కోరి తెచ్చుకుంది..!

తన బౌలింగ్​లో బ్యాట్స్​మెన్లను తికమక పెట్టే హర్బజన్​సింగ్​.. అప్పుడప్పుడు బ్యాటింగ్​లోనూ సత్తా చాటుతుంటాడు.. కీలక సమయంలో పరుగులు కూడా అందిస్తాడు. అయితే 2019 ఐపీఎల్​ ఫైనల్​లో ఆడిన భజ్జీ ఆ తర్వాత పెద్దగా మ్యాచ్​లు ఆడలేదు. గత ఏడాది యూఏఈలో జరిగిన ఐపీఎల్​లో అతడు లేడు. దీంతో చెన్నై సూపర్​కింగ్స్​ భజ్జీని వదులుకున్నది.

అయితే ఈ సారి మాత్రం రూ. 2 కోట్లకు కేకేఆర్​ (కోల్​కతా నైట్​రైడర్స్​) హర్బజన్​ను తీసుకున్నది.


గత మూడేళ్లుగా హర్బజన్​ చెన్నై సూపర్‌ కింగ్స్‌కు ఆడుతున్నాడు. ఈ సారి హర్బజన్​ను చెన్నై వదులుకున్నది. దీంతో కేకేఆర్​ అతడిని తీసుకున్నది. దీంతో హర్బజన్​ ట్విట్టర్​ వేదికగా స్పందించాడు. కేకేఆర్​ మరోసారి ట్రోఫీ గెలవాలని ఉందని అతడు ట్వీట్ చేశాడు.

తాను 100 శాతం జట్టు విజయంకోసం ఆడతానని అతడు చెప్పాడు. భజ్జీ ట్వీట్​పై కేకేఆర్​కూడా స్పందించింది. భజ్జీ రాకను తాము స్వాగతిస్తున్నామని చెప్పింది. జట్టుకు విజయాలు తీసుకొచ్చే ఆటగాడు వచ్చాడని తెలిపింది.

హర్బజన్​ 160 మ్యాచ్​లు ఆడి 150 వికెట్లు తీశాడు. మరోవైపు 2018 నుంచీ చెన్నై తరఫున ఆడుతున్న అతడు 2019 సీజన్‌లో 11 మ్యాచ్‌ల్లో 16 వికెట్లు పడగొట్టాడు.