ఇంట్రస్టింగ్..పార్టీ అభ్యర్థులతో చంద్రబాబు సమావేశం!

ఈ ఎన్నికల్లో పోటీ చేసిన తన పార్టీ అభ్యర్థులతో సమావేశం అవుతున్నారు తెలుగుదేశం అధినేత చంద్రబాబు నాయుడు. ఇప్పటి వరకూ పార్టీ వాళ్లతో వివిధరకాల సమీక్షలు జరిపారు చంద్రబాబు. వీడియో కాన్ఫరెన్స్ ల ద్వారా మాట్లాడారు. అయితే పార్టీ తరఫున పోటీ చేసిన అభ్యర్థులతో మాత్రం సమావేశం జరపలేదు.

ఎన్నికల్లో పోటీ చేసిన అభ్యర్థులతో సమావేశం జరపడం అంటే.. విజయావకాశాల గురించి కూలంకషంగా చర్చించడమే. ప్రస్తుతానికి చంద్రబాబు నాయుడు అదే పని చేస్తున్నారని అనుకోవాలి. అయితే రాష్ట్ర వ్యాప్తంగా పోటీ చేసిన అభ్యర్థులతో కాదు ఈ సమావేశం. కర్నూలు ప్రాంతం అభ్యర్థులతోనే బాబు సమావేశం జరగనుందని తెలుస్తోంది.

చంద్రబాబు నాయుడు ఎన్నికల ప్రచారానికి కర్ణాటక వెళ్తున్నారు. రాయచూరుకు వెళ్తూవెళ్తూ మార్గ మధ్యలో కర్నూలులో చంద్రబాబు నాయుడు తమ పార్టీ వాళ్లతో సమావేశం అవుతున్నారని తెలుస్తోంది. ఆ సందర్భంగా చంద్రబాబు నాయుడు పోలింగ్ జరిగిన తీరును అభ్యర్థుల ద్వారానే సూటిగా తెలుసుకునే అవకాశాలున్నాయి. మరి ఏజెంట్లు చంద్రబాబు నాయుడుకు ఎలాంటి కాన్ఫిడెన్స్ ను ఇస్తారో! విజయావకాశాల విషయంలో వారు బాబుకు ఎలాంటి భరోసాను ఇస్తారో!