వార్నర్​ రికార్డులు.. ఒకే మ్యాచ్​లో మూడు..!

ఈ సారి ఐపీఎల్​ లో సన్​రైజర్స్​ హైదరాబాద్​ పెద్దగా రాణించడం లేదు. పటిష్ఠమైన బౌలింగ్​ ఉన్నప్పటికీ .. మిడిలార్డర్​ సరిగ్గా లేక సన్​రైజర్స్​ ఇబ్బంది పడుతోంది. నిన్న సన్​రైజర్స్​ హైదరాబాద్​ మెరుగైన ప్రదర్శన ఇచ్చింది. 171 పరుగులు సాధించింది. అయినప్పటికీ చెన్నై ఈ లక్ష్యాన్ని చాలా అలవోకగా చేధించింది. ప్రస్తుతం చెన్నై జట్టు ఆధిపత్యాన్ని కనబరుస్తుంది. పాయింట్ల పట్టికలో టాప్​లో కొనసాగుతోంది. ఇదిలా ఉంటే నిన్నటి మ్యాచ్​ ఓడిపోయినప్పటికీ సన్​రైజర్స్​ జట్టు కెప్టెన్​ డేవిడ్​ వార్నర్​ .. రికార్డుల మోత మోగించాడు.

ఈ మ్యాచ్​ లో వార్నర్​ హాఫ్​ సెంచరీ చేశాడు. ఈ హాఫ్​ సెంచరీ వార్నర్​కు 50 వది కావడం గమనార్హం. అది మాత్రమే కాక ఈ మ్యాచ్​ లో కొట్టిన సిక్స్​ తో మొత్తం ఐపీఎల్​లో 200 సిక్సులు కొట్టాడు. అంతేకాక టీ20 క్రికెట్​లో 10 వేల పరుగులు  సాధించిన క్రికెటర్​ గా కూడా వార్నర్​ రికార్డులకెక్కాడు.  టీ 20లో 13,839 పరుగులతో యూనివర్సల్​ బాస్​ క్రిస్​ గేల్‌ తొలి స్థానంలో ఉండగా.. 10,694 పరుగులతో పొలార్డ్‌ రెండో స్థానంలో .. 10, 488 పరుగులతో షోయబ్‌ మాలిక్‌ మూడో స్థానంలో కొనసాగుతున్నాడు.

కాగా నిన్నటి మ్యాచ్ ను సన్​రైజర్స్​ హైదరాబాద్​ చేజార్చుకొని ఫ్యాన్స్ కు నిరాశ మిగిల్చింది. బ్యాటింగ్​ లో దూకుడుగా ఆడిన సన్​రైజర్స్​ బౌలింగ్​ లో మాత్రం తేలిపోయింది.  మనీశ్​ పాండే 61 పరుగులు, డేవిడ్​ వార్నర్​ 55 పరుగులు, కేన్​ విలియమ్​ సన్​ 10 బంతుల్లోనే 26 పరుగులు చేయడంతో సన్​రైజర్స్​ హైదరాబాద్​ నిర్ణీత 20 ఓవర్లలో 171 పరుగులు  చేసింది.

సన్​రైజర్స్​ బౌలింగ్ పటిష్ఠంగా ఉంటుంది కాబట్టి.. ధోనిసేనను తేలిగ్గానే కట్టడి చేయవచ్చని అంతా భావించారు. కానీ ఈ లక్ష్యాన్ని ధోనీ సేన ఉఫ్​ అని ఊదిపారేసింది. కేవలం 18.3 ఓవర్లలో 3 వికెట్లు కోల్పోయి లక్ష్యాన్ని చేధించింది. డుప్లెసిస్​, రుతురాజ్​ గైక్వాడ్​ హైదరాబాద్​ బౌలర్లను ఉతికి ఆరేశారు. దీంతొ చెన్నై ఈజీగా గెలుపొందింది. ప్రస్తుతం పాయింట్ల పట్టికలో చెన్నై అగ్రస్థానంలో కొనసాగుతోంది. రుతురాజ్​ గైక్వాడ్​. డుప్లెసిస్​ దూకుడుగా ఆడటంతో సన్​రైజర్స్​ ను ఈజీగా ఓడించింది.