జ‌న‌సేన ఆధ్వ‌ర్యంలో రంజాన్ వేడుక‌లు!

ప‌వ‌ర్ స్టార్ ప‌వ‌న్ కళ్యాణ్ సార‌థ్యంలోని జ‌న‌సేన నేత‌లు రంజాన్ మాసం సంద‌ర్భంగా వినూత్న కార్య‌క్ర‌మం. రంజాన్‌ మాసం సందర్భాన్ని పురస్క‌రించుకుని విజ‌య‌వాడ వ‌న్ టౌన్ సెంట‌ర్‌ లో జనసేన పార్టీ అధ్వర్యంలో ఈరోజు ఉదయం 10:30 గంటలకు పేదలకు ఉచితంగా సేమియా పంపిణీ చేశారు. ముఖ్య అతిధి కొండపల్లి ఆస్థాన గురుప్రముఖులు హజరత్ మౌలనా మొహమ్మద్ అల్తాఫ్ అలీ రజా హాజ‌ర‌య్యారు. పేదవారి ఆకలిదప్పులు తెలియపర్చే రంజాన్‌ మాసం అల్లా మనకిచ్చిన వరమని ఆయ‌న అన్నారు.

జనసేన పార్టీ రాష్ట్ర నాయకులు పీ. వెంకట మహేష్ అధ్వర్యంలో రంజాన్ మాసాన్ని పురష్కరించుకుని పేదలకు సేమియా ఉచిత పంపిణి కార్యక్రమం నిర్వహించడం అభినంద‌నీయ‌మ‌ని హజరత్ మౌలనా మొహమ్మద్ అల్తాఫ్ అలీ రజా అన్నారు. ఈ పంపిణి కార్యక్రమానికి అల్తాఫ్ అలీ రజా ముఖ్య అతిథిగా పాల్గొన్న సందర్భంగా మాట్లడుతూ జనసేన పార్టీ జనం   కోసం పుట్టిందని ఇందులోని కార్యకర్తలు సైనికుల్లా జన కోసమే పని చేయాలన్నారు. పవిత్ర రంజాన్  మాసంలో పేద ముస్లింల కోసం సేమియా ఉచితంగా అందించటం అభినందనీయమన్నారు. భవిష్య‌త్‌ లో కూడా జనసేన ముస్లింల కోసం పనిచేస్తూ ఉండాలని ఆకాంక్షించారు. ఈ కార్యక్రమ నిర్వహణ కోసం కృషి చేసిన వారందరికీ అల్లా ఆశిస్సులు ఉంటాయని అల్తఫ్ రజా అన్నారు. ఈ కార్యక్రమంలో జనసేన పార్టీ నాయకులు, స్థానిక ముస్లిం పెద్దలు పాల్గొన్నారు.

Like Us on Facebook : https://www.facebook.com/Tupakidotcom/