గ‌త కొద్దికాలంగా అనూహ్య‌మైన కామెంట్ల‌తో వార్త‌ల్లో నిలుస్తున్న కోమటిరెడ్డి బ్ర‌దర్స్‌ లో ఒక‌రైన మునుగోడు ఎమ్మెల్యే కోమటిరెడ్డి రాజగోపాల్ రెడ్డి తాజాగా సంచ‌ల‌న కామెంట్లు చేశారు. తెలంగాణ ముఖ్య‌మంత్రి కేసీఆర్ త‌న‌యుడు - మంత్రి కేటీఆర్ ను ఆకాశానికి ఎత్తేశారు. కేటీఆర్ పరిశ్రమల శాఖ మంత్రి కావడం మన అదృష్టమ‌ని ఎమ్మెల్యే కోమటిరెడ్డి రాజగోపాల్ రెడ్డి ప్ర‌శంసించారు. యాదాద్రి భువనగిరి జిల్లా దండుమల్కాపూర్ లో టీఎస్ ఐఐసీ-టీఐఎఫ్-ఎమ్మెస్ ఎంఈ-గ్రీన్‌ ఇండస్ట్రియల్‌ పార్కు ప్రారంభోత్స‌వం సంద‌ర్భంగా ఈ ఘ‌ట‌న చోటుచేసుకుంది.
మునుగోడు నియోజ‌క‌వ‌ర్గం ప‌రిధిలోకి వ‌చ్చే దండుమల్కాపూర్ లో గ్రీన్‌ ఇండస్ట్రియల్‌ పార్కును మంత్రి కేటీఆర్ ప్రారంభించారు. ఈ సంద‌ర్భంగా ఎమ్మెల్యే కోమటిరెడ్డి రాజగోపాల్ రెడ్డి మాట్లాడుతూ కేటీఆర్ లాంటి అనుభవనం - అవగాహన ఉన్న వ్యక్తి పరిశ్రమల మంత్రి కావడం తెలంగాణ ప్రజల అదృష్టమన్నారు. కేటీఆర్ కు మనుగోడు ప్రజల తరఫున కృతజ్ఞతలు తెలిపారు. ``తెలంగాణ వస్తే మా బతుకులు బాగుపడ‌తాయని - మా జీవితాల్లో వెలుగు నింపుతయని ఎంతో ఆశతో కొన్ని లక్షల మంది యువకులు ఎదురుచూస్తున్నారు. అలాంటి యువకుల కోసం - వారి జీవితాల్లో వెలుగులు నింపేందుకు చేపట్టిన కార్యక్రమం ఇది. కేటీఆర్ లాంటి అనుభవం - అవగాహన ఉన్న వ్యక్తి పరిశ్రమల శాఖ మంత్రి కావడం మన అదృష్టం` అని రాజగోపాల్ రెడ్డి అన్నారు.
అంతర్జాతీయ ప్రమాణాలు - అత్యాధునిక మౌలిక వసతులతో గ్రీన్‌ ఇండస్ట్రియల్‌ పార్క్‌ లో పరిశ్రమలు పెట్టేందుకు వస్తున్న వారికి కోమటిరెడ్డి ధన్యవాదాలు తెలియజేశారు.పారిశ్రామిక వేత్తలందరినీ ఈ వేదిక ద్వారా ఆహ్వానిస్తున్నామన్నారు. భవిష్యత్‌ లో ఈ పార్క్‌ 2500 ఎకరాలకు విస్తరించేందుకు మంత్రి కేటీఆర్ కృషి చేయాలని ఆయన కోరారు. ప్రజలు టీఆర్ ఎస్‌ ను నమ్ముతున్నరు కాబట్టే రెండోసారి అధికారం కట్టబెట్టారని ఎమ్మెల్యే కోమటిరెడ్డి రాజగోపాల్ రెడ్డి విశ్లేషించారు. కాగా - కాంగ్రెస్ తరఫున ఎమ్మెల్యేగా గెలిచిన కోమటిరెడ్డి...గ‌త కొద్దికాలం క్రితం బీజేపీలో చేరేందుకు రంగం సిద్ధంచేసుకున్న సంగ‌తి తెలిసిందే. అలాంటి త‌రుణంలో....తాజాగా ఆయన తిరిగి గులాబీ యువ‌నేత పై ప్ర‌శంస‌లు కురిపించ‌డం వెనుక లెక్కేంట‌ని...ప‌లువురు చ‌ర్చించుకుంటున్నారు.
మునుగోడు నియోజ‌క‌వ‌ర్గం ప‌రిధిలోకి వ‌చ్చే దండుమల్కాపూర్ లో గ్రీన్‌ ఇండస్ట్రియల్‌ పార్కును మంత్రి కేటీఆర్ ప్రారంభించారు. ఈ సంద‌ర్భంగా ఎమ్మెల్యే కోమటిరెడ్డి రాజగోపాల్ రెడ్డి మాట్లాడుతూ కేటీఆర్ లాంటి అనుభవనం - అవగాహన ఉన్న వ్యక్తి పరిశ్రమల మంత్రి కావడం తెలంగాణ ప్రజల అదృష్టమన్నారు. కేటీఆర్ కు మనుగోడు ప్రజల తరఫున కృతజ్ఞతలు తెలిపారు. ``తెలంగాణ వస్తే మా బతుకులు బాగుపడ‌తాయని - మా జీవితాల్లో వెలుగు నింపుతయని ఎంతో ఆశతో కొన్ని లక్షల మంది యువకులు ఎదురుచూస్తున్నారు. అలాంటి యువకుల కోసం - వారి జీవితాల్లో వెలుగులు నింపేందుకు చేపట్టిన కార్యక్రమం ఇది. కేటీఆర్ లాంటి అనుభవం - అవగాహన ఉన్న వ్యక్తి పరిశ్రమల శాఖ మంత్రి కావడం మన అదృష్టం` అని రాజగోపాల్ రెడ్డి అన్నారు.
అంతర్జాతీయ ప్రమాణాలు - అత్యాధునిక మౌలిక వసతులతో గ్రీన్‌ ఇండస్ట్రియల్‌ పార్క్‌ లో పరిశ్రమలు పెట్టేందుకు వస్తున్న వారికి కోమటిరెడ్డి ధన్యవాదాలు తెలియజేశారు.పారిశ్రామిక వేత్తలందరినీ ఈ వేదిక ద్వారా ఆహ్వానిస్తున్నామన్నారు. భవిష్యత్‌ లో ఈ పార్క్‌ 2500 ఎకరాలకు విస్తరించేందుకు మంత్రి కేటీఆర్ కృషి చేయాలని ఆయన కోరారు. ప్రజలు టీఆర్ ఎస్‌ ను నమ్ముతున్నరు కాబట్టే రెండోసారి అధికారం కట్టబెట్టారని ఎమ్మెల్యే కోమటిరెడ్డి రాజగోపాల్ రెడ్డి విశ్లేషించారు. కాగా - కాంగ్రెస్ తరఫున ఎమ్మెల్యేగా గెలిచిన కోమటిరెడ్డి...గ‌త కొద్దికాలం క్రితం బీజేపీలో చేరేందుకు రంగం సిద్ధంచేసుకున్న సంగ‌తి తెలిసిందే. అలాంటి త‌రుణంలో....తాజాగా ఆయన తిరిగి గులాబీ యువ‌నేత పై ప్ర‌శంస‌లు కురిపించ‌డం వెనుక లెక్కేంట‌ని...ప‌లువురు చ‌ర్చించుకుంటున్నారు.