``జ‌బ్ త‌క్ స‌మోసామే ర‌హేగా ఆలూ....బీహార్ మే ర‌హేగా లాలూ``......గ‌తంలో ఎన్నిక‌ల‌కు ముందు ఆర్జేడీ అధినేత, బిహార్ మాజీ సీఎం లాలూ ప్ర‌సాద్ యాద‌వ్ చెప్పిన పాపులర్ శ్లోగ‌న్ ఇది. అయితే, ప్ర‌స్తుతం బిహార్ లోని స‌మోసాల్లో ఆలూ ఉంది కానీ....అధికారంలో లాలూ లేరు. ప్ర‌స్తుతం దాణా కుం|భ‌కోణం కేసులో లాలూ...జైలు శిక్ష అనుభ‌విస్తున్నారు. అయిన‌ప్ప‌టికీ - బీహారీల్లో లాలూకు క్రేజ్ ఏ మాత్రం త‌గ్గ‌లేద‌ట. ఈ విష‌యాన్ని స్వ‌యంగా ఆయ‌న పుత్ర‌ర‌త్నం తేజ‌స్వీ యాద‌వ్ ట్వీట్ చేశారు. ఆసుపత్రిలో చికిత్స పొందుతున్న లాలూ.....బిహార్ కు చెందిన కొంత‌మంది న‌ర్సుల‌తో దిగిన ఫొటోలను తేజ‌స్వి త‌న ట్విట్ట‌ర్ ఖాతాలో పోస్ట్ చేశారు. దీంతో, ఆ ఫొటోలు సోష‌ల్ మీడియాలో వైర‌ల్ అయ్యాయి.
ప్ర‌స్తుతం లాలూ......దాణా కుంభ‌కోణం కేసులో రాంచిలోని బిర్సా ముండా జైలులో శిక్ష అనుభ‌విస్తోన్న సంగ‌తి తెలిసిందే. అనారోగ్య కార‌ణాల‌తో లాలూ రాంచీలోని ప్ర‌తిష్టాత్మ‌క రిమ్స్ ఆసుపత్రిలో చికిత్స పొందుతున్నారు. ఈ నేప‌థ్యంలో ఆసుపత్రిలో ఉన్న లాలూను ప‌రామ‌ర్శించేందుకు అదు ఆసుపత్రిలో ప‌నిచేస్తోన్న బిహారీ నర్సులు వ‌చ్చారు. ఆ సంద‌ర్భంగా లాలూతో వారు ఫొటోలు దిగారు. వారంద‌రితో లాలూ...ఫొటోల‌కు పోజులిచ్చారు. ఆ ఫొటోలను లాలూ త‌న‌యుడు తేజ‌స్వి యాద‌వ్ త‌న ట్విట్ట‌ర్ ఖాతాలో పోస్ట్ చేశారు.`` లాలూ....బ‌స్సులో - రైల్లో - విమానంలో - రోడ్డుమీద - జైల్లో - ఆసుపత్రిలో....ఇలా ఎక్క‌డున్నార‌న్న‌ది విష‌యం కాదు. లాలూ ఎక్కుడుంటే అక్క‌డ ఆయ‌న అభిమానులు ప్ర‌త్య‌క్ష‌మ‌వుతారు. ఆయ‌న‌కున్న ప్ర‌జాద‌ర‌ణ ఎన్న‌టికీ త‌ర‌గ‌దు....లాలూ క్రేజ్ మార్మోగుతూనే ఉంటుంది.``అని తేజ‌స్వి ట్వీట్ చేశారు. ప్ర‌స్తుతం ఆ ట్వీట్ - ఫొటో.... సోష‌ల్ మీడియాలో వైర‌ల్ అయ్యాయి. గుఱ్ఱం గుడ్డిదైనా దాణాకు త‌క్కువేమీ లేద‌ని.....లాలూ - తేజ‌స్విల‌నుద్దేశించి నెటిజ‌న్లు సెటైర్లు వేస్తున్నారు.