లోకేష్ కాన్వాయ్ లో మంట‌లు..

టీడీపీ యువ‌నేత‌ - ఏపీ సీఎం నారా చంద్ర‌బాబు నాయుడు త‌న‌యుడు నారా లోకేష్ నిర్వ‌హించిన ర్యాలీలో అపశృతి చోటు చేసుకుంది. తూర్పు గోదావ‌రి జిల్లా ప‌ర్య‌ట‌న‌లో ఉన్న లోకేష్ కాన్వాయ్‌ లోని  ఎమ్మెల్సీ ఆదిరెడ్డి అప్పారావు కారు డివైడ‌ర్ ను ఢీకొట్టి మూడు ప‌ల్టీలు కొట్టింది. ఈ సంద‌ర్భంగా అప్పారావు కాన్వాయ్ లో ప్ర‌యాణిస్తున్న వారికి తీవ్ర గాయాలు అవ‌గా స్థానిక ఆస్ప‌త్రికి త‌ర‌లించారు.

తూర్పుగోదావరి జిల్లా రాజమండ్రి శివారు బొమ్మూరు సమీపంలో వేమగిరి వద్ద ఈ దుర్ఘ‌ట‌న జ‌రిగింది. ఎమ్మెల్సీ ఆదిరెడ్డి అప్పారావుతో పాటు ఆయ‌న డ్రైవ‌ర్ - గ‌న్ మెన్ ల‌కు తీవ్ర గాయాలు అవ‌డంతో వెంట‌నే స‌మీప ఆస్ప‌త్రికి త‌ర‌లించిన‌ట్లు స‌మాచారం .అయితే ప్ర‌మాదానికి సంబంధించిన పూర్తి వివ‌రాలు తెలియాల్సి ఉంది.

మ‌రోవైపు  చిత్తూరు జిల్లా ప‌ర్య‌ట‌న‌లో ఉన్న సీఎం చంద్ర‌బాబుకు సైతం ప్ర‌మాదం చోటుచేసుకుంది. బాబు కాన్వాయ్ లో ఉన్న బ‌స్సులో ఒక్క‌సారి పొగ‌లు రావ‌డం క‌ల‌కలం రేకెత్తించింది.

Like Us on Facebook : https://www.facebook.com/Tupakidotcom/