నాపై అధికారం ఆమెకే ఉంది: మోడీ

ప్రధాని మోడీ ఇప్పుడు ఒంటరి.. ఎప్పుడో చిన్నప్పుడు పెళ్లి చేసుకొని విడిపోయి ఇప్పుడు బ్రహ్మచారిగానే ఉంటున్నారు. ఆ తర్వాత ఎటువంటి భవబంధాలు లేవు.  ఇప్పుడు దేశంలోనే అత్యంత శక్తివంతుడైన నేతగా ప్రధాని నరేంద్రమోడీ ఉన్నారు. ఇప్పుడు ఆయనకు ఎదురు చెప్పేవారు దేశంలో లేరు.. కనీసం మందలించేవారు లేరు.. కానీ ఒకే ఒక్కరు ఉన్నారట.. ఇదే విషయాన్ని మోడీ చెప్పుకొచ్చాడు.

ప్రధాని మోడీ.. తాజాగా లోక్ సభ స్పీకర్ సుమిత్రా మహాజన్ పై సంచలన కామెంట్స్ చేశారు. దేశంలోనే స్పీకర్ గా చేసిన రెండో మహిళ సుమిత్ర. బీజేపీ గద్దెనెక్కగానే మోడీ ఆమెకు అగ్రతాంబూలం ఇచ్చారు. ఇప్పటికే 8 సార్లు సుమిత్ర ఇండోర్ నుంచి లోక్ సభకు ఎన్నికల్లో గెలిచారు. ఈసారి మాత్రం పోటీకి దూరంగా ఉన్నారు.

ఆదివారం ఎన్నికల ప్రచారానికి ఇండోర్ వచ్చిన మోడీ .. సుమిత్ర మహాజన్ గురించి సంచలన కామెంట్స్ చేశారు. తనను ఈ దేశంలో మందలించిగలిగిన వ్యక్తి ఎవరైనా ఉన్నారంటే అది సుమిత్రా మహాజనే అని మోడీ కామెంట్ చేశారు.

‘లోక్ సభ స్పీకర్ సుమిత్ర మహాజన్ తన బాధ్యతలను చాలా చక్కగా నిర్వర్తించారు. ప్రజల మనసులో ఆమె పట్ల చాలా మంచి అభిప్రాయం ఉంది. మీ అందరికీ నేను ఈ దేశ ప్రధానిగా తెలుసు. ఇప్పుడు నేను చెప్పబోయేది నా పార్టీలో కూడా చాలా కొద్దిమందికి మాత్రమే తెలుసు. నన్ను మందలించగలిగే ఏకైక వ్యక్తి సుమిత్రనే’ అని స్పష్టం చేశారు.