విషయం ఏదైనా సరే.. ఒకసారి టార్గెట్ చేస్తే.. దాని లెక్క తేలే వరకు.. లేదంటే తనకు తాను సంతృప్తి చెందే వరకు విడిచిపెట్టని వైనం తెలంగాణ రాష్ట్ర ముఖ్యమంత్రి కేసీఆర్ లో ఎక్కువగా కనిపిస్తూ ఉంటుంది. కేంద్రంలోని మోడీ సర్కారుకు తన మార్కు లెక్క చెప్పాలన్న ఉత్సాహంగా ఉన్న ఆయన.. భావోద్వేగాల్ని టచ్ చేసే అంశాల్ని తీసుకోవటం కనిపిస్తుంది. రైతుల తరఫున కొట్లాడే ముఖ్యమంత్రిగా పేరు తెచ్చుకోవటంతో పాటు.. కేంద్ర వైఖరితో తానేమీ చేయలేకపోతున్నాన్న భావనను పెంచేలా ఆయన తాజా అడుగులు ఉన్నాయి. యాసంగిలో పండించి అమ్మే ధాన్యాన్ని పూర్తిస్థాయిలో కేంద్రమే సేకరించేలా ప్రధాని మోడీ నిర్ణయం తీసుకోవాలన్న ఆయన తాజా డిమాండ్ కు కేంద్రం ఎలా స్పందిస్తుందన్నది ఇప్పుడు ప్రశ్నగా మారింది.
తాను టేకప్ చేసిన అంశంపై ప్రధాని మోడీకి తాజాగా లేఖ రాశారు. రెండు రోజుల క్రితమే ప్రెస్ మీట్ పెట్టేసి.. కేంద్రం మీద నిప్పులు చెరిగి.. ప్రధాని మోడీకి టార్గెట్ ఇచ్చేసిన ఆయన.. తాజాగా లేఖాస్త్రాన్ని సంధించారు. ఈ సందర్భంగా కేంద్రానికి పలు సలహాలు.. సూచనలు ఇవ్వటం గమనార్హం. అదే సమయంలో కేంద్రం తీరును తప్పు పడుతూ.. తమ ప్రభుత్వం రైతు ప్రభుత్వం అన్న విషయాన్ని చాటేలా లేఖలోని అంశాలు ఉండటం గమనార్హం. ప్రధాని మోడీకి రాసిన లేఖను చూస్తే.. ఆత్మస్తుతి.. పరనింద అన్న భావన కలిగేలా ఉన్నాయన్న విమర్శ వినిపిస్తోంది. ఇంతకీ ప్రధాని మోడీకి కేసీఆర్ రాసిన లేఖలో ఏమున్నదన్నది చూస్తే..
- రాష్ట్రంలో రైతులు యాసంగి సీజన్‌లో పండించి విక్రయించే ధాన్యాన్ని పూర్తిస్థాయిలో సేకరించేలా కేంద్ర ఆహార మంత్రిత్వ శాఖను ఆదేశించాలి. పంటను సేకరించకపోతే ప్రభుత్వం ప్రకటించిన కనీస మద్దతు ధరకు అర్థమే లేదు. ఇది వ్యవసాయ రంగంతో పాటు మొత్తం ఆర్థిక వ్యవస్థపై ప్రతికూల ప్రభావం చూపుతుంది.
- పంజాబ్, హరియాణా వంటి కొన్ని రాష్ట్రాల్లో ధాన్యం, గోధుమలను పూర్తిస్థాయిలో సేకరిస్తున్న కేంద్రం.. తెలంగాణ వంటి ఇతర రాష్ట్రాల్లో భిన్నంగా వ్యవహరిస్తోంది. దేశంలోని వివిధ రాష్ట్రాలకు విభిన్నమైన విధానాలు ఉండకూడదు. జాతీయ స్థాయిలో ఆహార ధాన్యాల సేకరణకు ఒకే విధానం ఉండాలి. నిపుణులు, సీఎంలతో సమావేశాన్ని ఏర్పాటు చేసి జాతీయ సేకరణ విధానాన్ని రూపొందించాలి.
- రాష్ట్రాల ప్రజా పంపిణీ అవసరాలను తీర్చిన తర్వా త కేంద్రమే మొత్తం ధాన్యాన్ని సేకరించాలనేది గతంలో రాష్ట్ర ప్రభుత్వాలతో కుదుర్చుకున్న ఒప్పందం. తెలంగాణలో ఏ ధాన్యం అందుబాటులో ఉందో దాన్ని సేకరించాల్సిన బాధ్యత కేంద్రానిదే. గతంలో ఇదే ఆనవాయితీగా ఉన్నా ఆహార శాఖ రెండేళ్లుగా వరి ధాన్యాన్ని సేకరించేందుకు విముఖత చూపుతోంది. ఇది ఆహార భద్రత చట్టం లక్ష్యా న్ని ఉల్లంఘించడమే.
- రాష్ట్ర ప్రభుత్వాలకు నిల్వ సామర్థ్యం, ఆహార ధాన్యాల అంతర్రాష్ట్ర తరలింపు అవకాశాల్లేవు. కాబట్టి ఆహార ధాన్యాలను సేకరించి సరఫరా చేసే బాధ్యతను ఈ చట్టం కేంద్రానికి ఇచ్చింది. తెలంగాణలో వ్యవసాయ రంగంలో స్థిరమైన అధిక వృద్ధి రేటును సాధించడానికి మేం ప్రగతిశీల, రైతు అనుకూల విధానాలను అనుసరించాం. ఈ క్రమంలో తెలంగాణ ప్రభుత్వం రైతులకు ఇచ్చిన ప్రోత్సాహకాలు, మౌలిక సదుపాయల కల్పన వల్ల వ్యవసాయ ఉత్పత్తి గణనీయంగా పెరిగింది. తద్వారా రైతుల ఆత్మహత్యలు, వలసలు గణనీయంగా తగ్గాయి.
- పంటల మార్పిడి అవసరాన్ని గుర్తించి వరికి ప్రత్యామ్నాయంగా పత్తి, ఆయిల్‌ పామ్, ఎర్రపప్పు తదితర పంటల సాగును ప్రోత్సహించాం. దీంతో.. వరి సాగు 52 లక్షల ఎకరాల నుంచి 36 లక్షల ఎకరాలకు తగ్గింది. రబీలో రైతులు సొంత అవసరాలకు వినియోగించుకోగా మార్కెట్‌కు వచ్చే మిగులు వరి పంటను పూర్తి స్థాయిలో కేంద్రమే సేకరించాలి.
- కేంద్రం తీసుకున్న కొన్ని విధానాలు రైతుల్లో తీవ్ర నిరాశను కలిగిస్తున్నాయి. గత రెండేళ్లలో దేశం రైతుల ఆగ్రహాన్ని చవి చూసింది. రైతు వ్యతిరేక చట్టాలతో వారు తీవ్రంగా బాధపడ్డారు. రైతు ఆందోళనకు తలవంచి చివరికి ఆ చట్టాలను రద్దు చేయాల్సి వచ్చింది.
తాను టేకప్ చేసిన అంశంపై ప్రధాని మోడీకి తాజాగా లేఖ రాశారు. రెండు రోజుల క్రితమే ప్రెస్ మీట్ పెట్టేసి.. కేంద్రం మీద నిప్పులు చెరిగి.. ప్రధాని మోడీకి టార్గెట్ ఇచ్చేసిన ఆయన.. తాజాగా లేఖాస్త్రాన్ని సంధించారు. ఈ సందర్భంగా కేంద్రానికి పలు సలహాలు.. సూచనలు ఇవ్వటం గమనార్హం. అదే సమయంలో కేంద్రం తీరును తప్పు పడుతూ.. తమ ప్రభుత్వం రైతు ప్రభుత్వం అన్న విషయాన్ని చాటేలా లేఖలోని అంశాలు ఉండటం గమనార్హం. ప్రధాని మోడీకి రాసిన లేఖను చూస్తే.. ఆత్మస్తుతి.. పరనింద అన్న భావన కలిగేలా ఉన్నాయన్న విమర్శ వినిపిస్తోంది. ఇంతకీ ప్రధాని మోడీకి కేసీఆర్ రాసిన లేఖలో ఏమున్నదన్నది చూస్తే..
- రాష్ట్రంలో రైతులు యాసంగి సీజన్‌లో పండించి విక్రయించే ధాన్యాన్ని పూర్తిస్థాయిలో సేకరించేలా కేంద్ర ఆహార మంత్రిత్వ శాఖను ఆదేశించాలి. పంటను సేకరించకపోతే ప్రభుత్వం ప్రకటించిన కనీస మద్దతు ధరకు అర్థమే లేదు. ఇది వ్యవసాయ రంగంతో పాటు మొత్తం ఆర్థిక వ్యవస్థపై ప్రతికూల ప్రభావం చూపుతుంది.
- పంజాబ్, హరియాణా వంటి కొన్ని రాష్ట్రాల్లో ధాన్యం, గోధుమలను పూర్తిస్థాయిలో సేకరిస్తున్న కేంద్రం.. తెలంగాణ వంటి ఇతర రాష్ట్రాల్లో భిన్నంగా వ్యవహరిస్తోంది. దేశంలోని వివిధ రాష్ట్రాలకు విభిన్నమైన విధానాలు ఉండకూడదు. జాతీయ స్థాయిలో ఆహార ధాన్యాల సేకరణకు ఒకే విధానం ఉండాలి. నిపుణులు, సీఎంలతో సమావేశాన్ని ఏర్పాటు చేసి జాతీయ సేకరణ విధానాన్ని రూపొందించాలి.
- రాష్ట్రాల ప్రజా పంపిణీ అవసరాలను తీర్చిన తర్వా త కేంద్రమే మొత్తం ధాన్యాన్ని సేకరించాలనేది గతంలో రాష్ట్ర ప్రభుత్వాలతో కుదుర్చుకున్న ఒప్పందం. తెలంగాణలో ఏ ధాన్యం అందుబాటులో ఉందో దాన్ని సేకరించాల్సిన బాధ్యత కేంద్రానిదే. గతంలో ఇదే ఆనవాయితీగా ఉన్నా ఆహార శాఖ రెండేళ్లుగా వరి ధాన్యాన్ని సేకరించేందుకు విముఖత చూపుతోంది. ఇది ఆహార భద్రత చట్టం లక్ష్యా న్ని ఉల్లంఘించడమే.
- రాష్ట్ర ప్రభుత్వాలకు నిల్వ సామర్థ్యం, ఆహార ధాన్యాల అంతర్రాష్ట్ర తరలింపు అవకాశాల్లేవు. కాబట్టి ఆహార ధాన్యాలను సేకరించి సరఫరా చేసే బాధ్యతను ఈ చట్టం కేంద్రానికి ఇచ్చింది. తెలంగాణలో వ్యవసాయ రంగంలో స్థిరమైన అధిక వృద్ధి రేటును సాధించడానికి మేం ప్రగతిశీల, రైతు అనుకూల విధానాలను అనుసరించాం. ఈ క్రమంలో తెలంగాణ ప్రభుత్వం రైతులకు ఇచ్చిన ప్రోత్సాహకాలు, మౌలిక సదుపాయల కల్పన వల్ల వ్యవసాయ ఉత్పత్తి గణనీయంగా పెరిగింది. తద్వారా రైతుల ఆత్మహత్యలు, వలసలు గణనీయంగా తగ్గాయి.
- పంటల మార్పిడి అవసరాన్ని గుర్తించి వరికి ప్రత్యామ్నాయంగా పత్తి, ఆయిల్‌ పామ్, ఎర్రపప్పు తదితర పంటల సాగును ప్రోత్సహించాం. దీంతో.. వరి సాగు 52 లక్షల ఎకరాల నుంచి 36 లక్షల ఎకరాలకు తగ్గింది. రబీలో రైతులు సొంత అవసరాలకు వినియోగించుకోగా మార్కెట్‌కు వచ్చే మిగులు వరి పంటను పూర్తి స్థాయిలో కేంద్రమే సేకరించాలి.
- కేంద్రం తీసుకున్న కొన్ని విధానాలు రైతుల్లో తీవ్ర నిరాశను కలిగిస్తున్నాయి. గత రెండేళ్లలో దేశం రైతుల ఆగ్రహాన్ని చవి చూసింది. రైతు వ్యతిరేక చట్టాలతో వారు తీవ్రంగా బాధపడ్డారు. రైతు ఆందోళనకు తలవంచి చివరికి ఆ చట్టాలను రద్దు చేయాల్సి వచ్చింది.