తెలంగాణ బీజేపీ స్టార్‌ క్యాంపెయినర్ గా వార్త‌ల్లో నిలుస్తున్న పరిపూర్ణానందస్వామి ఊహించ‌ని రీతిలో వివాదంలో చిక్కుకున్నారు. ఓట్ల విష‌యంలో ప్రజలను అవమానపరిచేలా ఆయన చేసిన వ్యాఖ్యలు సోషల్‌ మీడియాలో వైరల్ అవుతున్నాయి. రూ.200 ఇస్తే చాలు జనాలు ఎగబడి మీటింగులకు వస్తారు - ఓట్లు వేస్తారని ఆయన వ్యాఖ్యానించిన వీడియో పెద్ద ఎత్తున వైరల్ అవుతోంది. ఇటీవలే బీజేపీలో చేరిన పరిపూర్ణానందస్వామి చౌటుప్పల్ నియోజకవర్గంలో శనివారం నిర్వహించిన రోడ్‌ షోలో పాల్గొన్నారు. ఆయన వాహనంపై ఉండి అనుచరుడికి ఈ విషయాలు వివరించారు.
పరిపూర్ణానందస్వామికి మ‌ద్ద‌తుగా నిలిచే ఓ చానల్‌ లో ఈ మాట‌లు ప్రసారం కూడా అయ్యాయని పేర్కొంటూ ఓ వీడియో వైరల్ గా మారింది. ``వస్తే 200 ఇవ్వాలి.. లేకుంటే రారు.. డబ్బులు ఇక్కడివాళ్లు ఇవ్వరు.. మనమే ఇవ్వాలి.. 20 వేల ఓట్లు వస్తే చాలు.. 200 చొప్పున ఇస్తే 20 వేల ఓట్లు తప్పకుండా వస్తాయి`` అని అన్నారు. డబ్బులు ఇవ్వాలని - 20 వేల ఓట్లు వస్తే సరిపోతుందన్న ఆయన వ్యాఖ్యలపై విమర్శలు వస్తున్నాయి. పరిపూర్ణానంద వ్యాఖ్యలపై సొంత పార్టీ నేతలే తలలుపట్టుకుంటున్నారు. బీజేపీ స్టార్‌ క్యాంపెయినర్ పరిపూర్ణానంద ఆదిలోనే త‌మ‌ను ఇర‌కాటంలో ప‌డేశార‌ని ప‌లువురు చ‌ర్చించుకుంటున్నారు.
పరిపూర్ణానందస్వామికి మ‌ద్ద‌తుగా నిలిచే ఓ చానల్‌ లో ఈ మాట‌లు ప్రసారం కూడా అయ్యాయని పేర్కొంటూ ఓ వీడియో వైరల్ గా మారింది. ``వస్తే 200 ఇవ్వాలి.. లేకుంటే రారు.. డబ్బులు ఇక్కడివాళ్లు ఇవ్వరు.. మనమే ఇవ్వాలి.. 20 వేల ఓట్లు వస్తే చాలు.. 200 చొప్పున ఇస్తే 20 వేల ఓట్లు తప్పకుండా వస్తాయి`` అని అన్నారు. డబ్బులు ఇవ్వాలని - 20 వేల ఓట్లు వస్తే సరిపోతుందన్న ఆయన వ్యాఖ్యలపై విమర్శలు వస్తున్నాయి. పరిపూర్ణానంద వ్యాఖ్యలపై సొంత పార్టీ నేతలే తలలుపట్టుకుంటున్నారు. బీజేపీ స్టార్‌ క్యాంపెయినర్ పరిపూర్ణానంద ఆదిలోనే త‌మ‌ను ఇర‌కాటంలో ప‌డేశార‌ని ప‌లువురు చ‌ర్చించుకుంటున్నారు.