ప‌వ‌న్ ట్వీట్‌ తో ఫ్యాన్స్ చెల‌రేగిపోతారా?

తాము విప‌రీతంగా అభిమానించి.. ఆరాధించే నాయ‌కుడి మెప్పు పొంద‌టానికి.. ఆయ‌న మ‌న‌సు దోచుకోవ‌టానికి అభిమానగ‌ణం త‌ర‌చూ ప్ర‌య‌త్నిస్తూ ఉంటుంది. అలాంటి అవ‌కాశం ల‌భిస్తే ఎవ‌రూ వ‌దులుకోరు. ఈ మ‌ధ్య‌నే ర‌ద్దు చేసిన పాత‌నోట్ల‌ను తీసుకొని.. కొత్త నోట్ల‌ను పంపిణీ చేసిన జ‌నసేన కార్య‌కర్త‌ల్ని అభిమానించారు జ‌న‌సేన చీఫ్ ప‌వ‌న్ క‌ల్యాణ్‌. పెద్ద‌నోట్ల‌ను ర‌ద్దు చేస్తూ ప్ర‌ధాని మోడీ తీసుకున్న నిర్ణ‌యం నేప‌థ్యంలో కొత్త.. చిల్ల‌ర నోట్ల కోసం తీవ్ర‌మైన కొర‌తను ప్ర‌జ‌లు ఎదుర్కొంటున్నారు.

బ్యాంకుల వ‌ద్ద క‌రెన్సీ నోట్ల కొర‌త ఉన్న నేప‌థ్యంలో.. బ్యాంకుల వ‌ద్దా.. ఏటీఎం సెంట‌ర్ల వ‌ద్దా.. ప్ర‌జ‌లు బారులు తీరుతున్న ప‌రిస్థితి. ఇలాంటి వేళ‌.. రెండు రోజుల క్రితం (ఆదివారం) జ‌న‌సేన పార్టీకి చెందిన కొంద‌రు కార్య‌ర్త‌లు హైద‌రాబాద్ నిమ్స్ ఆసుప‌త్రిని సంద‌ర్శించారు. ఈ సంద‌ర్భంలో అక్క‌డి రోగుల వ‌ద్ద‌నున్న పాత నోట్ల‌ను తీసుకొని కొత్త నోట్ల‌నుపంపిణీ చేశారు. ఆసుప‌త్రుల్లో వైద్యం చేయించుకునే వేళ‌.. పాత వాటికి బ‌దులుగా కొత్త‌వి మార్చుకోవ‌టం క‌ష్టంగా మారుతున్న ప‌రిస్థితుల్లో.. ఆ ఇబ్బందులులేకుండా ఉండేలా చేసేందుకు జ‌న‌సేన కార్య‌క‌ర్త‌లు చేసిన ఈ ప్ర‌య‌త్నాన్ని ప‌లువురు ప్ర‌శంసించారు.

ఇదిలాఉంటే.. తాజాగా దీనిపై ప‌వ‌న్ క‌ల్యాణ్ స్పందించారు. నిమ్స్ లోని రోగుల వ‌ద్ద నుంచి పాత నోట్ల‌ను తీసుకొని కొత్త నోట్ల‌ను పంపిణీ చేసిన కార్య‌క‌ర్త‌ల్ని తాను మ‌న‌స్ఫూర్తిగా ప్ర‌శంచిస్తున్న‌ట్లుగా వెల్ల‌డించిన ఆయ‌న‌.. జ‌న‌సేన కార్య‌క‌ర్త‌లకు.. మ‌ద్ద‌తుదారుల‌కు హృద‌య‌పూర్వ‌క అభినంద‌న‌లు అంటూ ప‌వ‌న్ ట్వీట్ చేశారు. త‌మ అభిమాన‌ నాయకుడి అభినంద‌న‌లు అందుకున్న కార్య‌క‌ర్త‌ల్నిస్ఫూర్తిగా తీసుకొని మిగిలిన ప‌వ‌న్ ఫ్యాన్స్ కానీ బ‌రిలోకి దిగితే.. సామాన్యుల‌కు చిల్ల‌ర నోట్ల‌ క‌ష్టాలుకొంత మేర అయినా త‌గ్గే అవ‌కాశం ఉందేమో..?

Like Us on Facebook : https://www.facebook.com/Tupakidotcom/