త‌మ్ముళ్ల‌పై పవ‌న్ ఫ్యాన్స్ రిటార్ట్ తీర్చుకునే ఛాన్స్‌!

మాట్లాడేట‌ప్పుడు ఆచితూచి అన్న‌ట్లు ఉండాలి. అందులోకి అత్యుత్త‌మ స్థానాల్లో ఉండే వారి నోటి నుంచి వ‌చ్చే మాట‌ల‌కు ఉండే విలువ అంతా ఇంతా కాదు. అందులోకి ఇప్పుడున్న‌దంతా చిట్టి వీడియోల కాలం. నోట్లో నుంచి వ‌చ్చే మాట ఏ మాత్రం టంగ్ స్లిప్ అయినా.. ఆ మాట‌కు ముందు కాస్త‌.. వెనుక కాస్తా.. నీట్ గా ఎడిట్ చేసి.. మేమేం అబ‌ద్ధం చెప్ప‌టం లేదు.. నిజం ఇదంటూ చిట్టి వీడియోల‌ను వైర‌ల్ చేసేస్తున్నారు.

జ‌న‌సేన ఆవిర్భావ స‌భ సంద‌ర్భంగా ప‌వ‌న్ చేసిన వ్యాఖ్య‌లు తెలుగు త‌మ్ముళ్ల‌కు షాకింగ్ గా మార‌ట‌మే కాదు.. త‌మ అధినేత‌ను ఉద్దేశించి ప‌వ‌న్ అంత‌లా విరుచుకుప‌డ‌టాన్ని బాబు ఫ్యాన్స్ అస్స‌లు త‌ట్టుకోలేక‌పోయారు. అంతే.. ప‌వ‌న్ స్పీచ్ లో బొక్క‌లు వెత‌క‌టం షురూ చేశారు. ప‌వ‌న్ స్పీచ్ లో త‌ప్పుల్ని వెతికి మ‌రీ.. ఎడిట్ చేసి సోష‌ల్ మీడియాలో పోస్ట్ చేశారు.

నాలుగేళ్లుగా బాబును ఒక్క మాట అన‌ని ప‌వ‌న్‌..తాజాగా చేసిన విమ‌ర్శ‌ల‌పై త‌మ్ముళ్లు చెల‌రేగిపోవ‌టంపై ప‌వ‌న్ ఫ్యాన్స్ తెగ ఫీల‌వుతున్నారు. ప‌వ‌న్ ఇమేజ్ డ్యామేజ్ అయ్యేలా సోష‌ల్ మీడియాలో తెలుగు త‌మ్ముళ్లు చేస్తున్న దాడిపై ఆగ్ర‌హంగా ఉన్న ప‌వ‌న్ ఫ్యాన్స్.. స‌రైన అవ‌కాశం కోసం చూస్తున్నారు.

బాబు అభిమానుల మాదిరి తాము ఏది ప‌డితే దాన్ని ప్ర‌చారం చేయ‌మ‌ని.. గురి చూసి కొడ‌తామ‌ని చెబుతున్నారు.ఇలాంటి వేళ‌..బాబు నోటి నుంచి నా రాష్ట్రానికి అన్యాయం చేయ‌మ‌ని కేంద్రాన్ని కోరానంటూ చేసిన ప్ర‌సంగం క్లిప్ ఇప్పుడు ఆయుధంగా మారింది. ప‌వ‌న్ మాట‌ల్ని ర‌క‌ర‌కాలుగా వైర‌ల్ చేసే వారికి బుద్ధి చెప్పేలా బాబు టంగ్ స్లిప్ క్లిప్ ను సోష‌ల్ మీడియా వేదిక‌గా చేసుకొని వైర‌ల్ చేసే అవ‌కాశాలు ఎక్కువ‌గా క‌నిపిస్తున్నాయి. మ‌రి.. దీనికి బాబు వ‌ర్గం ఎలా రియాక్ట్ అవుతుందో?