2014లో అమెరికా అధ్య‌క్షుడిగా డొనాల్డ్ ట్రంప్ బాధ్య‌త‌లు చేప‌ట్టిన‌ప్ప‌టి నుంచి అక్క‌డ ప్ర‌జ‌ల్లో లోకల్ సెంటిమెంట్ మ‌రింత బ‌ల‌ప‌డిన సంగ‌తి తెలిసిందే. ఏ మాత్రం అవ‌కాశం దొరికినా నాన్ అమెరిక‌న్ల‌కు ఉద్యోగాలు లేకుండా చేయాల‌ని....అక్క‌డి ఉద్యోగాల‌న్నీ లోకల్ అమెరిక‌న్ల‌కే రావాల‌ని ట్రంప్ శ‌త‌విధాలా ప్ర‌య‌త్నిస్తున్నారు. అందులో భాగంగానే హెచ్-1బీ వీసాల జారీ ప్ర‌క్రియ‌లో ప‌లు నిబంధ‌న‌ల‌ను క‌ఠిన‌త‌రం చేస్తూ వ‌చ్చారు. కొద్ది రోజుల క్రితం ఇమ్మిగ్రేష‌న్ అధికారుల‌కు మ‌రిన్ని విచ‌క్ష‌ణాధికారాల‌ను క‌ల్పిస్తూ ట్రంప్ ఆదేశాలు జారీ చేసిన సంగ‌తి తెలిసిందే. ఈ నేప‌థ్యంలో హెచ్ 1 బీ వీసాల‌పై ఉద్యోగాలు చేసే భార‌తీయుల‌పై యూఎస్ సిటిజెన్ షిప్ అండ్ ఇమ్మిగ్రేష‌న్ స‌ర్వీసెస్(యూఎస్ సీఐఎస్) డైరెక్ట‌ర్ ఎల్ ఫ్రాన్సిస్ సంచ‌ల‌న వ్యాఖ్య‌లు చేశారు. హెచ్ 1 బీ వీసాతో అమెరికన్ల స్థానంలో భార‌తీయులు ఉద్యోగాలు చేప‌ట్ట‌కుండా నిషేధం విధిస్తే తాను చాలా సంతోషిస్తాన‌ని షాకింగ్ కామెంట్స్ చేశారు. ఈ ప్ర‌కారం అమెరిక‌న్ కాంగ్రెస్ ఒక బిల్లు జారీ చేస్తే ఇంకా ఆనందిస్తాన‌ని సంచ‌ల‌న వ్యాఖ్య‌లు చేశారు. ఇంకా చెప్పాలంటే ఆ బిల్లును త‌క్ష‌ణ‌మే తానే స్వ‌యంగా రూపొందించాల‌ని ఉంద‌ని వివాదాస్ప‌ద వ్యాఖ్య‌లు చేశారు.
కొద్ది రోజుల క్రితం హెచ్ 1బీ వీసాల జారీ విష‌యంలో యూఎస్ సీఐఎస్ అధికారుల‌కు పూర్తి అధికారాల‌ను ఇస్తూ ట్రంప్ ఆదేశాలు జారీ చేసిన సంగ‌తి తెలిసిందే. ఆ ఆదేశాల ప్ర‌కారం.... ఇక‌పై హెచ్ 1బీ వీసాలు - పిటిష‌న్లు - విజ్ఞ‌ప్తుల‌ను త‌క్ష‌ణం తిర‌స్క‌రించే అధికారం యూఎస్ సీఐఎస్ అధికారుల‌కు ఉంటుంది. ఆ అధికారాలు ఈ ఏడాది సెప్టెంబ‌రు 11 నుంచి అమ‌ల్లోకి రానున్నాయి. వాస్త‌వానికి - గ‌తంలో హెచ్ 1బీ వీసాల ద‌ర‌ఖాస్తులో లోపాలు - త‌ప్పులు ఉంటే వాటిని స‌వ‌రించుకునేందుకు రిక్వెస్ట్ ఫ‌ర్ ఎవిడెన్స్(ఆర్ ఎఫ్ ఈ) లేదా నోటీస్ ఆఫ్ ఇంటెంట్ టు డినై(ఎన్ ఓఐడీ)ను ఇమ్మిగ్రేష‌న్ అధికారులు జారీ చేసేవారు. ఆ తర్వాత పూర్తి వివ‌రాల‌తో స‌మ‌ర్పించిన ద‌ర‌ఖాస్తును ప‌రిగ‌ణ‌లోకి తీసుకునేవారు. అయితే, తాజా నిబంధ‌న‌ల ప్ర‌కారం....హెచ్ 1బీ వీసాల‌ను ఇమ్మిగ్రేష‌న్ అధికారులు ఆర్ ఎఫ్ ఈ - ఎన్ ఓఐడీ జారీ చేయ‌కుండానే తిర‌స్క‌రించ‌వ‌చ్చు. ఇటువంటి నేప‌థ్యంలో ఫ్రాన్సిస్ చేసిన వ్యాఖ్య‌లు....అమెరికాలో నివ‌సించే భార‌తీయుల‌ను క‌ల‌వ‌ర‌పెడుతున్నాయి.
కొద్ది రోజుల క్రితం హెచ్ 1బీ వీసాల జారీ విష‌యంలో యూఎస్ సీఐఎస్ అధికారుల‌కు పూర్తి అధికారాల‌ను ఇస్తూ ట్రంప్ ఆదేశాలు జారీ చేసిన సంగ‌తి తెలిసిందే. ఆ ఆదేశాల ప్ర‌కారం.... ఇక‌పై హెచ్ 1బీ వీసాలు - పిటిష‌న్లు - విజ్ఞ‌ప్తుల‌ను త‌క్ష‌ణం తిర‌స్క‌రించే అధికారం యూఎస్ సీఐఎస్ అధికారుల‌కు ఉంటుంది. ఆ అధికారాలు ఈ ఏడాది సెప్టెంబ‌రు 11 నుంచి అమ‌ల్లోకి రానున్నాయి. వాస్త‌వానికి - గ‌తంలో హెచ్ 1బీ వీసాల ద‌ర‌ఖాస్తులో లోపాలు - త‌ప్పులు ఉంటే వాటిని స‌వ‌రించుకునేందుకు రిక్వెస్ట్ ఫ‌ర్ ఎవిడెన్స్(ఆర్ ఎఫ్ ఈ) లేదా నోటీస్ ఆఫ్ ఇంటెంట్ టు డినై(ఎన్ ఓఐడీ)ను ఇమ్మిగ్రేష‌న్ అధికారులు జారీ చేసేవారు. ఆ తర్వాత పూర్తి వివ‌రాల‌తో స‌మ‌ర్పించిన ద‌ర‌ఖాస్తును ప‌రిగ‌ణ‌లోకి తీసుకునేవారు. అయితే, తాజా నిబంధ‌న‌ల ప్ర‌కారం....హెచ్ 1బీ వీసాల‌ను ఇమ్మిగ్రేష‌న్ అధికారులు ఆర్ ఎఫ్ ఈ - ఎన్ ఓఐడీ జారీ చేయ‌కుండానే తిర‌స్క‌రించ‌వ‌చ్చు. ఇటువంటి నేప‌థ్యంలో ఫ్రాన్సిస్ చేసిన వ్యాఖ్య‌లు....అమెరికాలో నివ‌సించే భార‌తీయుల‌ను క‌ల‌వ‌ర‌పెడుతున్నాయి.