రజినీకాంత్ అంటే సింప్లిసిటీకి మారుపేరు. ఆయన ప్రచారార్భాటానికి చాలా దూరంగా ఉంటారు. ఆయన చేపట్టే సేవా కార్యక్రమాలు కానీ.. ఆధ్యాత్మిక పర్యటనలు కానీ హడావుడి లేకుండా జరిగిపోతుంటాయి. ప్రతి ఏడాదీ ఏదో ఒక సమయంలో హిమాలయాలకు ఆధ్యాత్మిక పర్యటన చేయడం అలవాటైన రజినీ.. దానికి సంబంధించి విశేషాల్ని జనాలతో పంచుకోవడానికి ఇష్టపడరు. అక్కడి ఫొటోలు కూడా పెద్దగా బయటికి రావు. రజినీ హిమాలయాలకు వెళ్లాడనడానికి సూచికగా మీడియా వాళ్లు పాత ఫొటోలేవో వాడుకుంటూ ఉంటారు. కానీ ఈ సారి మాత్రం సీన్ మారింది. గత నాలుగైదు రోజులుగా రజినీ హిమాలయ యాత్రకు సంబంధించి పదుల సంఖ్యలో ఫొటోలు బయటికి వచ్చాయి.
హిమాలయాల్లో తన గురువును కలిసి ఆశీర్వాదం తీసుకోవడం దగ్గర్నుంచి అక్కడ పలు ప్రదేశాల సందర్శనకు సంబంధించి రజినీ ఫొటోలు చాలానే బయటికి వచ్చాయి. అవి సోషల్ మీడియాలో హల్ చల్ చేస్తున్నాయి. సింప్లిసిటీకి మారుపేరైన రజినీ.. ఈసారి పర్యటనకు సంబంధించి ఇన్ని ఫొటోలు బయటికి వస్తుంటే ఏం చేస్తున్నాడన్న సందేహాలు కలుగుతున్నాయి. కొందరేమో రజినీ రాజకీయారంగేట్రం చేయబోతున్న నేపథ్యంలో ఆయన టీం సభ్యులే రజినీలో సింప్లిసిటీ.. ఆయనలోని ఆధ్యాత్మిక కోణం గురించి తెలియజెప్పేందుకు ఉద్దేశపూర్వకంగా ఈ ఫొటోల్ని లీక్ చేస్తున్నారని ఆరోపిస్తున్నారు. ఐతే రజినీతో ఫొటోలు దిగిన వాళ్లు సోషల్ మీడియాలో ఫొటోలు షేర్ చేసుకుంటుంటే దానికి ఎవరేం చేయగలరని రజినీ సన్నిహితులు ప్రశ్నిస్తున్నారు. మొత్తానికి ఈ ఫొటోల వ్యవహారం చర్చనీయాంశంగా మారింది.
హిమాలయాల్లో తన గురువును కలిసి ఆశీర్వాదం తీసుకోవడం దగ్గర్నుంచి అక్కడ పలు ప్రదేశాల సందర్శనకు సంబంధించి రజినీ ఫొటోలు చాలానే బయటికి వచ్చాయి. అవి సోషల్ మీడియాలో హల్ చల్ చేస్తున్నాయి. సింప్లిసిటీకి మారుపేరైన రజినీ.. ఈసారి పర్యటనకు సంబంధించి ఇన్ని ఫొటోలు బయటికి వస్తుంటే ఏం చేస్తున్నాడన్న సందేహాలు కలుగుతున్నాయి. కొందరేమో రజినీ రాజకీయారంగేట్రం చేయబోతున్న నేపథ్యంలో ఆయన టీం సభ్యులే రజినీలో సింప్లిసిటీ.. ఆయనలోని ఆధ్యాత్మిక కోణం గురించి తెలియజెప్పేందుకు ఉద్దేశపూర్వకంగా ఈ ఫొటోల్ని లీక్ చేస్తున్నారని ఆరోపిస్తున్నారు. ఐతే రజినీతో ఫొటోలు దిగిన వాళ్లు సోషల్ మీడియాలో ఫొటోలు షేర్ చేసుకుంటుంటే దానికి ఎవరేం చేయగలరని రజినీ సన్నిహితులు ప్రశ్నిస్తున్నారు. మొత్తానికి ఈ ఫొటోల వ్యవహారం చర్చనీయాంశంగా మారింది.