రాజకీయాల్లో హుందాతనం గురించి మాట్లాడేవారంతా ఏపీ రాజకీయాల్ని.. రాజకీయ నేతల తీరును చూసి ముక్కున వేలేసుకునే పరిస్థితి. రోజులు గడుస్తున్న కొద్దీ ఇష్టారాజ్యంగా వ్యవహరిస్తున్న తీరుపై తీవ్ర విమర్శలు వెల్లువెత్తుతున్నాయి. నిన్నటికి నిన్న టీవీ షోలో ఏపీ అధికారపక్ష ఎమ్మెల్యే బొండా ఉమామహేశ్వరరావు.. వైఎస్సార్ కాంగ్రెస్ పార్టీ ఎమ్మెల్యే చెవిరెడ్డి భాస్కర్ రెడ్డిలు ఏ స్థాయిలో తిట్టుకున్నారో తెలియంది కాదు. దీనికి ముందు జగన్ పార్టీ ఫైర్ బ్రాండ్ రోజాపై గాలి ముద్దుకృష్ణమ అండ్ కోలు ఎంతలా వ్యాఖ్యలు చేశారో తెలిసిందే. టీడీపీలో మగాళ్లు లేరంటూ వివాదాస్పద వ్యాఖ్యలు చేసిన రోజాకు కౌంటర్ ఇచ్చే పనిలో భాగంగా టీడీపీ నేతలు విమర్శలు చేస్తూ.. టీడీపీలో ఉన్న మగాళ్ల గురించి అందరి కంటే ఎక్కువగా రోజాకే తెలుసని.. ఆమె పార్టీలో ఉన్నప్పుడు ఆ విషయం ఆమెకు బాగానే తెలుసంటూ చేసిన వ్యాఖ్యలపై విమర్శలు వెల్లువెత్తాయి.
రోజులు గడుస్తున్న కొద్దీ.. మరీ ఇంత దిగజారుడు రాజకీయ వ్యాఖ్యలు ఏమిటంటూ ఫీలైన వారూ ఉన్నారు. అయితే.. అలా ఫీలయ్యే వారంతా పశ్చిమబెంగాల్ అధికారపక్షమైన తృణమూల్ కాంగ్రెస్ పార్టీ సీనియర్ నేత రజాక్ మొల్లా చేసిన వ్యాఖ్యలు వింటే షాక్ తినాల్సిందే. ఒక మహిళా నేతను ఉద్దేశించి అన్నేసి మాటలు అంటారా? అన్న సందేహం రావాల్సిందే.
తాజాగా ఆ రాష్ట్రంలో అసెంబ్లీ ఎన్నికలు జరుగుతున్న విషయం తెలిసిందే. ఈ ఎన్నికల్లో మహాభారతం సీరియల్ లో ద్రౌపతిగా నటించిన రూపా గంగూలీ హోరా పశ్చిమ నియోజకవర్గం నుంచి బీజేపీ అభ్యర్ధినిగా బరిలోకి దిగుతున్నారు. ఈ సందర్భంగా ఆమెపై రజాక్ తీవ్ర వ్యాఖ్యలుచేశారు. మహాభారతంలో ద్రౌపది పాత్రను పోషించిన రూపా గంగూలీ నిజ జీవితంలోనూ ద్రౌపతేనని వ్యాఖ్యానించారు. అంతేకాదు.. ఆమె తాగే సిగిరెట్ ఎంత పొడువు ఉంటుందో కూడా తనకు తెలుసంటూ ఆయన చేసిన వ్యాఖ్యలు కలకలం రేపుతున్నాయి. రాజకీయాల్లో విమర్శలు మామూలే అయినా.. వ్యక్తిగతంతా ఇంత దారుణ వ్యాఖ్యలు చేస్తారా? అన్న మాట వినిపిస్తోంది. రజాక్ వ్యాఖ్యలు చూస్తే.. ఏపీ ఎమ్మెల్యేలు బొండా.. చెవిరెడ్డిలు చాలా బెటర్ అన్న భావన కలగటం ఖాయం.
రోజులు గడుస్తున్న కొద్దీ.. మరీ ఇంత దిగజారుడు రాజకీయ వ్యాఖ్యలు ఏమిటంటూ ఫీలైన వారూ ఉన్నారు. అయితే.. అలా ఫీలయ్యే వారంతా పశ్చిమబెంగాల్ అధికారపక్షమైన తృణమూల్ కాంగ్రెస్ పార్టీ సీనియర్ నేత రజాక్ మొల్లా చేసిన వ్యాఖ్యలు వింటే షాక్ తినాల్సిందే. ఒక మహిళా నేతను ఉద్దేశించి అన్నేసి మాటలు అంటారా? అన్న సందేహం రావాల్సిందే.
తాజాగా ఆ రాష్ట్రంలో అసెంబ్లీ ఎన్నికలు జరుగుతున్న విషయం తెలిసిందే. ఈ ఎన్నికల్లో మహాభారతం సీరియల్ లో ద్రౌపతిగా నటించిన రూపా గంగూలీ హోరా పశ్చిమ నియోజకవర్గం నుంచి బీజేపీ అభ్యర్ధినిగా బరిలోకి దిగుతున్నారు. ఈ సందర్భంగా ఆమెపై రజాక్ తీవ్ర వ్యాఖ్యలుచేశారు. మహాభారతంలో ద్రౌపది పాత్రను పోషించిన రూపా గంగూలీ నిజ జీవితంలోనూ ద్రౌపతేనని వ్యాఖ్యానించారు. అంతేకాదు.. ఆమె తాగే సిగిరెట్ ఎంత పొడువు ఉంటుందో కూడా తనకు తెలుసంటూ ఆయన చేసిన వ్యాఖ్యలు కలకలం రేపుతున్నాయి. రాజకీయాల్లో విమర్శలు మామూలే అయినా.. వ్యక్తిగతంతా ఇంత దారుణ వ్యాఖ్యలు చేస్తారా? అన్న మాట వినిపిస్తోంది. రజాక్ వ్యాఖ్యలు చూస్తే.. ఏపీ ఎమ్మెల్యేలు బొండా.. చెవిరెడ్డిలు చాలా బెటర్ అన్న భావన కలగటం ఖాయం.