ఇవాళే చిన్నమ్మ అరెస్ట్?

అక్రమాస్తుల కేసులో శశికళను దోషిగా తేల్చిన సుప్రీంకోర్టు తీర్పు నేపథ్యంలో తర్వాత ఏం జరగనుంది? అన్నది ఇప్పుడు ఆసక్తికరంగా మారింది. ప్రస్తుతం గోల్డెన్ బే రిసార్ట్స్ లో ఉన్న చిన్నమ్మ తర్వాత ఏం చేయనున్నారన్నది ఒక ప్రశ్న అయితే.. ఆమెనుపోలీసులు ఎక్కడ అదుపులోకి తీసుకుంటారన్నది మరో ప్రశ్న. విశ్వసనీయ సమాచారం ప్రకారం.. చిన్నమ్మ అరెస్ట్ ఈ రోజే ఉంటుందని తెలుస్తోంది.

సుప్రీంకోర్టు తీర్పు నేపథ్యంలో.. చిన్నమ్మను పోలీసులు ఈ రోజే అదుపులోకి తీసుకోనున్నట్లుగా చెబుతున్నారు. దోషిగా తీర్పు ఇవ్వటంతో పాటు.. వెనువెంటనే అదుపులోకి తీసుకోవాలని సుప్రీం ఆదేశాల్ని జారీ చేసిన నేపథ్యంలో చిన్నమ్మ ఉన్న గోల్డెన్ బే రిసార్ట్స్ వద్ద భారీగా పోలీసు బలగాలు చేరుకున్నాయి. ఆమెను మరికాసేపట్లో అరెస్ట్ చేసే అవకాశం ఉందని చెబుతున్నారు. అయితే.. వెంటనే కాకున్నా.. ఈ రోజు సాయంత్రానికి అరెస్ట్ తప్పదని తెలుస్తోంది.

Like Us on Facebook : https://www.facebook.com/Tupakidotcom/