'అఖండ’ సినిమాలో ఏపీ పరిస్థితులే చూపించారు: చంద్రబాబు

నటసింహం నందమూరి బాలయ్య హీరోగా బోయపాటి దర్శకత్వంలో వచ్చిన చిత్రం ‘అఖండ’. బాక్సాఫీస్ ను షేక్ చేసిన ఈ మూవీపై చంద్రబాబు సైతం తాజాగా ప్రశంసలు కురిపించారు. అంతటితో ఆగకుండా తన రాజకీయాలకు కూడా దీన్ని జత చేశాడు. అఖండ మూవీ తెచ్చిన హైప్ తో టాలీవుడ్ కు ఊపిరి వచ్చిందనే చెప్పాలి. చిత్ర ప్రముఖులందరూ దీన్ని ప్రశంసించారు.

అఖండ సినిమాపై టీడీపీ అధినేత చంద్రబాబు కూడా స్పందించారు. అఖండ మూవీని తాను ఇటీవల చూసినట్లు చంద్రబాబు ఈరోజు ప్రెస్ మీట్ లో వెల్లడించారు. మంగళగిరి టీడీపీ ఆఫీసులో మీడియాతో మాట్లాడిన చంద్రబాబు.. ఏపీలో ప్రస్తుతం పరిస్థితులు ఎలా ఉన్నాయనేది అఖండ సినిమాలో చూపించారని సంచలన వ్యాఖ్యలు చేశారు. రాష్ట్రంలో ఏం జరుగుతుందో ఈ సినిమాలో అద్భుతంగా తెరకెక్కించారని.. సినిమా చాలా బాగుందని కితాబిచ్చారు.

కాగా బాలయ్య-బోయపాటి కాంబినేషన్ లో వచ్చిన ‘అఖండ’ సినిమా హ్యాట్రిక్ గా నిలిచిన సంగతి తెలిసిందే. గతంలో వీరి కాంబినేషన్ లో వచ్చిన ‘సింహా’, లెజెండ్ సినిమాలు సూపర్ డూపర్ హిట్లు అయ్యాయి. ఇప్పుడు అఖండ కూడా వాటి సరసన నిలిచింది.

ఇప్పటికే బ్రేక్ ఈవెన్ కు చేరుకున్న ఈ సినిమా రెండో వారంలోనూ సంతృప్తికర రీతిలో వసూళ్లు రాబడుతున్నట్లు ట్రేడ్ విశ్లేషకులు చెబుతున్నారు. ఈ సినిమాను త్వరలోనే బాలీవుడ్ లో రిమేక్ చేస్తారని వార్తలు వస్తున్నాయి.