సినీ స్టార్స్ కి అంత దమ్ము - దైర్యం ఉందా?

ఈ రోజు టాలీవుడ్ సినీ స్టార్ బృందం ఏపీ సీఎం జగన్ తో భేటీ అయ్యారు. అయితే, ఆంధ్రప్రదేశ్ ముఖ్యమంత్రిగా జగన్ మోహన్ రెడ్డి భాద్యతలకు స్వీకరించి ఏడాది పూర్తీ అయ్యింది. అయితే, ఈ ఏడాది కాలంలో టాలీవుడ్ నుండి ఏ ఒక్కరు కూడా సీఎంగా ఎన్నికైనందుకు ఆయనకి అభినందనలు తెలుపలేదు. కానీ ఇప్పుడు విశాఖలో సినిమా పరిశ్రమ అభివృద్దిపై జగన్ ఆలోచిస్తున్నారని వార్తలు అందగానే, అవకాశాలు అందిపుచ్చుకోవడానికి పొలోమంటూ బయల్దేరారు.

ఇఫ్పుడు ఇదే విషయాన్ని నిలదీస్తున్నారు అమరావతిని రాజధానిగా కోరుకుంటున్నవారు. అమరావతి జెఎసి మహిళా విభాగం నేత సుంకర పద్మశ్రీ ఈ విషయమై సంచలన వ్యాఖ్యలు చేసారు. ఏపీ రాజధాని అమరావతి గురించి దానికి భూములు ఇచ్చిన వారి గురించి మీకు పట్టదు కానీ, ఆంధ్రలో మీకు భూములు కావాలా అంటూ ఆమె ప్రశ్నిస్తున్నారు.అలాగే , ఏపీ రాజధానిగా అమరావతినే ఉంచాలని చెప్పి ..మేము రీల్ హీరోలమే కాదు రియల్ హీరోలం అని అనిపించుకోమని కోరతున్నారు.

అయితే, మన సినీ స్టార్స్ కి , సీఎం జగన్ వద్ద రాజధాని గురించి మాట్లాడేంత దమ్ము , దైర్యం ఉందా అనేది ప్రతి ఒక్కరి మదిలో మెదులుతున్న ప్రశ్న. 'మూడు రాజధానుల నిర్ణయాన్ని ఉపసంహరించుకుని, అమరావతినే రాజధానిగా కొనసాగించమని జగన్‌కి చెప్పండి....''అని సుంకర పద్మశ్రీ అడుగుతున్నారు. అయితే , సినీ స్టార్ కేవలం అమరావతికి మాత్రమే హీరోలు కాదు, ఆంధ్ర అంతటికీ సినీ స్టార్స్ కదా ?. ఇకపోతే , మూడు రాజధానుల ప్రకటన వచ్చినప్పుడు మెగాస్టార్ చిరంజీవి దాన్ని స్వాగతించారు కూడా.