స్పెషల్​ స్టేటస్​’ ‘3 క్యాపిటల్స్​ ’ ఇవి సర్కారు పాలసీలు కాదు.. విస్కీ బ్రాండ్లు..!

ఇటీవల ఏపీ ప్రభుత్వ వ్యతిరేక సోషల్​ మీడియా ‘స్పెషల్​ స్టేటస్​’ ‘3 క్యాపిటల్స్​’ అంటూ రెండు విస్కీ బ్రాండ్లను తెరమీదకు తీసుకొచ్చాయి. వీటిని సోషల్​మీడియాలో షేర్​ చేస్తూ.. ఏపీ జగన్​ మోహన్​రెడ్డి తాను చెప్పినట్టుగానే ‘స్పెషల్​ స్టేటస్​’ తీసుకొచ్చాడు అంటూ కొందరు ఈ బ్రాండ్లకు సంబంధించిన ఫొటోలను సోషల్​మీడియాలో వైరల్​ చేశారు. అయితే ఈ బ్రాండ్లు నిజంగానే ఉన్నాయా? లేక మార్ఫింగ్​ చేశారా ? అన్న విషయంపై ఇంకా క్లారిటీ లేదు.

ఆ పనిచేయాల్సింది ప్రభుత్వ అనుకూల సోషల్ మీడియా .. కానీ ఇప్పటి వరకు దీనిపై క్లారిటీ అయితే లేదు.
అయితే లాక్​డౌన్​ నిబంధనలు సడలించకా.. ఆంధ్రప్రదేశ్​లో కూడా లిక్కర్​ షాపులు ఓపెన్​ చేశారు. ఆ టైంలో ‘ప్రెసిడెంట్ మెడల్​’ అనే బ్రాండ్​ తెరమీదకు వచ్చింది. అప్పట్లోనూ జగన్​ సర్కారుపై జోకులు పేలాయి. సీఎం పాలనకు మెచ్చి రాష్ట్రపతి ఇచ్చిన బహుమానం ఇదేనంటూ అప్పట్లో మీమ్స్​ ట్రెండ్​ అయ్యాయి.

నిజానికి ఆంధ్రప్రదేశ్​లో ప్రభుత్వమే మద్యం దుకాణాలను నిర్వహిస్తోంది. ఇక్కడ పాపులర్​ బ్రాండ్స్​ ఏవీ దొరకడం లేదన్న విమర్శలు వినిపిస్తున్నాయి. దీంతో మందుబాబులు ఇతర రాష్ట్రాలకు వెళ్లి మరీ మద్యం తెచ్చుకుంటున్నారు. మరోవైపు ప్రభుత్వం తీసుకొచ్చిన బ్రాండ్ల పై కూడా జోకులు పేలుతున్నాయి.