స్పుత్నిక్​ -వీ కూడా వచ్చేస్తోంది..

త్వరలోనే మనదేశం కరోనా ఫ్రీ కంట్రీగా మారబోతుందా? దేశప్రజలందరికీ కరోనా వ్యాక్సిన్​ ఇవ్వబోతున్నారా? అందుకు సంబంధించిన ప్రక్రియ కూడా వేగంగా సాగుతున్నాదా? అంటే అవుననే సమాధానమే వస్తున్నది. ఇప్పటికే సీరం ఇన్​స్టిట్యూట్​ తయారు చేసిన కోవిషీల్డ్​, భారత్​ బయోటెక్​ అభివృద్ధి చేసిన కోవాగ్జిన్ అత్యవసర వ్యాక్సినేషన్​కు అనుమతులు వచ్చాయి. కోవిషీల్డ్​ వ్యాక్సిన్ డోసులను ఇప్పటికే సీరం నుంచి వివిధ ప్రాంతాలకు పంపిణీచేశారు. దేశవ్యాప్తంగా 13 నగరాలకు వ్యాక్సిన్లను సరఫరా చేస్తోంది కేంద్ర ప్రభుత్వం. హైదరాబాద్, విజయవాడ ఈ నగరాల జాబితాలో ఉన్నాయి.

ఈ నెల 16 నుంచి ఫ్రంట్​లైన్​ వారియర్స్​కు వ్యాక్సినేషన్​ మొదలుపెట్టనున్నారు. మరోవైపు త్వరలోనే భారత్​ బయోటెక్​ తయారుచేసిన కోవాగ్జిన్​ను కూడా త్వరలోనే పంపిణీ చేయనున్నారు. అయితే తాజాగా రష్యా తయారుచేసిన స్పుత్నిక్​ ​-వీ వ్యాక్సిన్​పై మరో కీలక ముందడుగు పడింది. ఈ వ్యాక్సిన్​ను హైదరాబాద్​కు చెందిన రెడ్డిల్యాబ్స్​ అభివృద్ధి చేస్తున్నది. అయితే స్పుత్నిక్​వీ వ్యాక్సిన్​ ఇప్పటికే ఒకటి రెండో దశ ట్రయల్స్​ పూర్తయ్యాయి. మూడోదశ ట్రయల్స్​ కోసం అనుమతి ఇవ్వాలంటూ డ్రగ్​ కంట్రోలర్​ జనరల్​ ఆఫ్​ ఇండియాకు రెడ్డి ల్యాబ్స్​ లేఖ రాసింది. అనుమతి రాగానే 31 వేలమంది వలంటీర్స్​కు ఈ వ్యాక్సిన్​ను అందజేసి పర్యవేక్షించునున్నారు.

 మరోవైపు రష్యా తయారుచేసిన స్పుత్నిక్​ వీ వ్యాక్సిన్​కు ఇప్పటికే రష్యా, అర్జెంటీనాలో అనుమతి వచ్చింది. ఈ వ్యాక్సిన్​ ఎంతో సక్సెస్​ఫుల్​గా పనిచేస్తుందని.. రోగనిరోధకశక్తిని పెంపొందించడంలో యాంటీబాడీలు అభివృద్ధి చేయడంతో ఆ వ్యాక్సిన్ సత్ఫలితాలు చూపించిందని అక్కడి శాస్త్రవేత్తలు అంటున్నారు. మరోవైపు అమెరికాలో ఇప్పటికే ఫైజర్​ వ్యాక్సినేషన్​ పంపిణీ చేశారు. మరోవైపు బ్రిటన్​లో ఫైజర్​, మోడెర్నా వ్యాక్సిన్లతోపాటు ఆస్ట్రాజెనికా వ్యాక్సిన్​కు కూడా అనుమతి వచ్చింది. కరోనాను తరిమికొట్టే రోజు మరెంతో దూరంలో ఉందని శాస్త్రవేత్తలు అంటున్నారు.