ఆకాశంలో ట్రాఫిక్​ జామ్​..! ఎగిరే కార్లు వస్తే ఈ వార్త నిజమవుతుందా?

ఆకాశంలో ట్రాఫిక్​ జామ్​ అవుతుందా? త్వరలో ఎగిరే కార్లు రాబోతున్నాయంట. ఇప్పటికే అనుమతులు వచ్చేశాయట. అయితే ఎగిరే కార్లు వస్తే ఆకాశంలో ట్రాఫిక్​ జామ్​ అనే వార్త నిజమవుతుందేమో? చాలా కాలంగా ఎగిరే కార్లు వచ్చేస్తాయంటూ వార్తలు వస్తున్నాయి. ఇప్పుడా వార్తలు నిజమయే అవకాశం కనిపిస్తుంది. ఆకాశంలో ఎగిరే కార్లను తిప్పుకొనేందుకు అమెరికా ప్రభుత్వం అనుమతులు కూడా ఇచ్చేసిందట.

ఈ ఎగిరే కార్లు 10 వేల అడుగుల ఎత్తులో గంటకు వంద మైళ్లు ప్రయాణిస్తాయట. వీటికి అమెరికాలోని ఫెడరల్ ఏవియేషన్ అథారిటీ అనుమతులు ఇచ్చేసింది. టెర్రాఫుజియా ట్రాన్సిషన్ రోడబుల్ ఎయిర్‌క్రాఫ్ట్‌కు ఎఫ్ఏఏ ప్రత్యేక లైట్-స్పోర్ట్ ఎయిర్‌క్రాఫ్ట్ ఎయిర్‌వర్తీనెస్ సర్టిఫికెట్ జారీ చేసింది.  అయితే విమానానికి ఉండాల్సిన అన్ని ప్రమాణాలు ఈ రోడబుల్ ఎయిర్‌క్రాఫ్ట్‌లో అనుమతులు వచ్చాయి.

ఈ ఎగిరే కారు రెక్కల పొడవు 27 అడుగులు. పైలట్లు, ఫ్లైట్ స్కూళ్ల కోసం ప్రస్తుతం ఇందులో ఫ్లైట్ వెర్షన్ ఉంది.  అయితే ఈ కారును అందరు నడిపే చాన్స్​ లేదు. డ్రైవింగ్​ లైసెన్స్​తోపాటు పైలట్​ సర్టిఫికెట్​ కూడా ఉంటేనే ఈ కారును నడిపే చాన్స్​ ఉందని చైనీస్ కంపెనీ అయిన టెర్రాఫుజియా స్పష్టం చేసింది. ఇప్పటికే 80 ఎగిరే కార్లు టెస్టింగ్​ను కూడా పూర్తిచేసుకున్నాయట.