అనుమానాస్ప‌ద స్థితిలో ఎమ్మెల్యే సోద‌రుడి మ‌ర‌ణం!

తెలంగాణ అధికార‌ప‌క్ష నేత‌.. క‌రీంన‌గ‌ర్ ఎమ్మెల్యే గంగుల క‌మ‌లాక‌ర్ ఇంట విషాదం నెల‌కొంది. ఆయ‌న సోద‌రుడు గంగుల ప్ర‌భాక‌ర్ అనుమానాస్ప‌ద స్థితిలో మ‌ర‌ణించిన వైనం సంచల‌నంగా మారింది. తాజాగా ఎమ్మెల్యే సోద‌రుడి మృత‌దేహాన్ని రోడ్డు ప‌క్క‌న గుర్తించారు.

కొత్త‌ప‌ల్లి మండ‌లం రేకుర్తి వ‌ద్ద‌.. రోడ్డు ప‌క్క‌న ఎమ్మెల్యే సోద‌రుడు ప్ర‌భాక‌ర్ మృత‌దేహాన్ని స్థానికులు గుర్తించారు. స్థానికంగా తీవ్ర సంచ‌ల‌నంగా మారిన ఈ ఉదంతానికి సంబంధించిన స‌మాచారాన్ని పోలీసుల‌కు అందించారు. విష‌యం తెలుసుకున్న పోలీసులు హుటాహుటిన సంఘ‌ట‌నా స్థ‌లానికి చేరుకున్నారు.

రోడ్డు ప‌క్క‌న మృత‌దేహం ప‌డి ఉండ‌టంపై ప‌లు అనుమానాలు వ్య‌క్త‌మ‌వుతున్నాయి. ఒక ఎమ్మెల్యే సోద‌రుడు రోడ్డు ప‌క్క‌న అనుమానాస్ప‌దంగా మృతి చెంద‌టం ఎలా? అన్న దానిపై ఆస‌క్తిక‌ర చ‌ర్చ జ‌రుగుతోంది. దీనికి సంబంధించిన మ‌రిన్ని వివ‌రాలు బ‌య‌ట‌కు రావాల్సి ఉంది.