లీకైన టీడీపీ అభ్య‌ర్థుల లిస్ట్‌..భ‌గ్గుమంటున్న కాంగ్రెస్‌

సిద్ధాంత‌ప‌రంగా త‌మ బ‌ద్ద‌శ‌త్రువు అయిన కాంగ్రెస్‌తో దోస్తీ కుదుర్చుకొని మ‌రీ మ‌హాకూట‌మి రూపంలో రాబోయే ఎన్నిక‌ల్లో బ‌రిలో దిగేందుకు సిద్ధ‌మైన తెలుగుదేశం పార్టీ ఎన్నిక‌ల‌కు సంబంధించిన ప్ర‌క్రియ‌ల‌ను వేగ‌వంతం చేస్తోంది. సీట్ల విష‌యంలో మిగ‌తా పార్టీలైన టీజేఎస్‌ - సీపీఐ బెట్టుమీద ఉంటున్న‌ప్ప‌టికీ... ``పొత్తు ముఖ్యం...సీట్ల గురించి ఆందోళ‌న వ‌ద్దు`` అంటూ సాక్షాత్తు పార్టీ అధ్యక్షుడు చంద్ర‌బాబు నాయుడే ప్ర‌క‌టించిన నేప‌థ్యంలో సైకిల్ పార్టీకి చెందిన నాయ‌కులు తాము బ‌రిలో దిగే స్థానాల గురించి ఇప్ప‌టికే ఓ క్లారిటీకి వ‌చ్చేశారు.

టీడీపీకి చెందిన నాయ‌కుల ద్వారా అందుతున్న స‌మాచారం ప్ర‌కారం ఈ నియోజ‌క‌వ‌ర్గాల్లో సైకిల్ పార్టీ నాయ‌కులు పోటీ చేయ‌నున్నారు. అయితే, వీటిలో వ‌న‌ప‌ర్తిలో చిన్నారెడ్డి బ‌రిలో దిగ‌డం - రాజేంద్ర‌న‌గ‌ర్ స్థానాన్ని కూడా టీడీపీ కోరుకోవ‌డం కాంగ్రెస్ పార్టీ నేత‌లు జీర్ణించుకోలేక‌పోతున్న‌ట్లు స‌మాచారం. ఈ రెండు స్థానాల కోసం ఆ పార్టీ నేత‌లు ప‌ట్టుప‌డుతున్న‌ట్లు తెలుస్తోంది. తాజా చ‌ర్చ‌ల్లో ఈ సీట్ల‌పై చ‌ర్చ‌లు ఫలిస్తే...పేర్లు ఖ‌రారు కావ‌చ్చున‌ని అంటున్నారు.

తెలుగుదేశం పార్టీనేత‌లు తాము పోటీ చేసేందుకు సిద్ధ‌మైన‌ స్థానాలు ఇవే..

శేర్‌లింగంపల్లి- భవ్య ఆనంద్ ప్రసాద్
కుకట్‌పల్లి- పెద్ది రెడ్డి
ఉప్పల్- వీరేంద్ర గౌడ్
కుత్భుల్లాపూర్ -అరవింద్ కుమార్ గౌడ్ లేదా కూనా వెంకటేష్ గౌడ్
రాజేంద్రనగర్- గణేష్ గుప్తా లేదా సామా భూపాల్ రెడ్డి
జూబ్లీహిల్స్    - అనూష రామ్ లేదా ప్రదీప్ చౌదరి
ఖమ్మం    - నామా నాగేశ్వరరావు
సత్తుపల్లి    - సండ్ర వెంకట వీరయ్య
అశ్వరావు పేట - మచ్చ నాగేశ్వరరావు
మక్తల్    - కొత్త కోట దయాకర్ రెడ్డి
దేవరకద్ర    - సీతా దయాకర్ రెడ్డి
జడ్చర్ల    - ఎర్ర శేఖర్
వనపర్తి    - రావుల చంద్రశేఖర్ రెడ్డి
నిజామాబాద్ రూరల్ -మండవ వెంకటేశ్వర రావు
కోరుట్ల    - ఎల్ రమణ