మాల్యా షోకులు ఏమాత్రం త‌గ్గ‌లేదుగా

లిక్కర్ కింగ్ విజ‌య్ మాల్యా త‌న దూకుడు ఏ మాత్రం త‌గ్గించుకోవ‌డం లేదు. 9 వేల కోట్లకు పైగా రుణం దేశంలోని బ్యాంకులకు ఎగ్గొట్టి లండ‌న్‌ కు చెక్కేసిన మాల్యా అక్క‌డ కూడా త‌న జాలీ లైఫ్‌ ను కొన‌సాగిస్తున్నారు. అంత‌కుముందు తాను అనుభ‌వించిన స్టేట‌స్‌ లో ఏమాత్రం తేడా రాకుండా త‌న మిత్రుల‌కు గిఫ్ట్‌ లు పంప‌డంలో ముందుంటున్నారు. తాజాగా దీపావ‌ళి పండుగ‌ను పుర‌స్క‌రించుకొని ఇదే త‌ర‌హాలో ఖ‌రీదైన గిఫ్ట్‌ లు పంపారు.

గ‌తంలో త‌ను సార‌థ్యం వ‌హించిన యునైటెడ్ బ్రూవ‌రీస్‌ కు చెందిన బ్లాక్ లేబుల్ మద్యం బాటిళ్లను తన మిత్రుల‌కు పండ‌గ సంద‌ర్భంగా గిఫ్ట్ రూపంలో విజ‌య్‌ మాల్యా పంపించారని స‌మాచారం. ఇలా వ‌చ్చిన ఓ  గిఫ్ట్‌ ను జ‌ర్న‌లిస్ట్ ఒక‌రు బ‌య‌ట‌పెట్టారు. అయితే ఎవ‌రెవ‌రికీ ఈ గిఫ్ట్ లు అందాయో.. లండన్‌లోని మాల్యా స‌న్నిహితులు ఎవ‌రనే దానిపై క్లారిటీ రావ‌డం లేదు. మొత్తంగా విలాసవంతమైన జీవితం - విందులు - వినోదాలకు పెట్టింది పేర‌యిన‌ లిక్కర్ కింగ్ త‌న దొంగ చాటు జీవితంలోనూ వాటిని ఏ మాత్రం దూరం పెట్ట‌క‌పోవ‌డం ఆశ్చ‌ర్య‌క‌ర‌మే.


Like Us on Facebook : https://www.facebook.com/Tupakidotcom/