ఢిల్లీ నుంచి పవన్ కు మళ్లీ కాల్.. ఏం జరుగుతోంది?

ఈ మధ్యే ఢిల్లీ వెళ్లిన జనసేనాని పవన్ కళ్యాణ్ తన సగం భారాన్ని దించుకొని వచ్చాడు. ఒంటరిగా పార్టీని ముందుకు నడిపించలేని బీజేపీతో పొత్తు పెట్టుకొని కలిసి కాపురం చేద్దామన్నారు. ఇక ఆ కోవలోనే సినిమాను మొదలు పెట్టి ఆర్థిక కష్టాలు తీర్చేసుకుంటున్నారు. ప్రస్తుతం ఉదయం షూటింగ్, సాయంత్రం అమరావతి ఉద్యమం, రాత్రికి హైదరాబాద్ కుటుంబం ఇలా సాగుతోంది పవన్ ప్రయాణం.. సర్లే ఆయన వ్యక్తిగత జీవితం మనకెందుకు కానీ.. తాజాగా మరోసారి జనసేనానికి పిలుపొచ్చింది. ఢిల్లీ నుంచి పవన్ కు మళ్లీ కాల్ వచ్చిందట.. ఎందుకు వచ్చింది? ఏంటా కథ అనేది ఇంటస్ట్రింగ్ గా మారింది.

ఢిల్లీ ఎన్నికల నేపథ్యంలో ఆ రాష్ట్ర సీఎం కేజ్రీవాల్ ను ఢీకొట్టలేక మోడీషాలు, బీజేపీ శ్రేణులు ఆపసోపాలు పడుతున్నాయి. ఎన్ని ఆయుధాలు ప్రయోగించినా బీజేపీ వైపు గాలి మల్లడం లేదట.. అందుకే ఇప్పటికే సైనా నెహ్వాల్ ను బరిలోకి దించిన బీజేపీ తాజాగా కొందరు బాలీవుడ్ సెలెబ్రెటీలు, క్రీడాకారులను సైతం ప్రచారానికి పిలుస్తోంది.

ఈ క్రమంలోనూ భారీ ఫ్యాన్ ఫాలోయింగ్ ఉన్న పవన్ కళ్యాణ్ ను సైతం ప్రచారానికి పిలుస్తోందట బీజేపీ అధిష్టానం.. ఢిల్లీలో తెలుగు వారి జనాభా బాగానే ఉంది. తమిళ, కేరళ, కన్నడ వాసులున్నారు. దక్షిణాదిలో పాపులర్ హీరో అయిన పవన్ కళ్యాణ్ తో ఢిల్లీలో ప్రచారం చేయిస్తే కాస్తా ఓట్లు రాలుతాయని బీజేపీ పవన్ ను ఢిల్లీకి రావాలని ఫోన్ చేసిందట.. ప్రచారం చేయాలని కోరిందట.. బీజేపీ తో పొత్తు పెట్టుకున్న పాపానికి ఇప్పుడు పవన్ కు ఈ ప్రచారం తప్పదు. సో రాజకీయాలు, పార్టీ , సినిమాలు ఇప్పుడు ప్రచారం కూడా పవన్ నెత్తిన పడడం తో ఇక కాలం తో పరుగులు పెట్టాల్సిన పరిస్థితి పవన్ కు వచ్చింది. త్వరలోనే ఢిల్లీ ఎన్నికల ప్రచారానికి పవన్ డేట్స్ ఇవ్వాల్సిన పరిస్థితి ఏర్పడింది.