వెకిలి చేష్టలతో ఎమ్మెల్యేను వేధించబోయి..

మహిళల విషయంలో ఏ మాత్రం అమర్యాదగా వ్యవహరించినా తాట తీస్తామనిప్రభుత్వం చెబుతున్నప్పటికీ.. ఆకతాయిలు అంతగా భయపటం లేదు. సాదాసీదాఅమ్మాయిలకు వేధింపులు మామూలే. కానీ.. ఒక మహిళా ఎమ్మెల్యేనే ఇలాంటిఇబ్బందికర పరిస్థితి ఎదురుకావటం సంలచనంగా మారింది. తెలంగాణరాష్ట్రం లోని కరీంనగర్ జిల్లాలో చోటు చేసుకున్న ఈ ఘటన స్థానికంగా హాట్ టాపిక్ గా మారింది.

చొప్పదండి ఎమ్మెల్యే శోభ తన వాహనంలో కరీంనగర్ వెళుతున్నారు. ఆమె కారును ఫాలో అయిన ముగ్గురు కుర్రాళ్లు వెకిలి చేష్టలకు పాల్పడ్డారు. టూ వీలర్ మీద ప్రయాణిస్తున్న ఈ ముగ్గురు ఆకతాయులు పూటుగా తాగి ఉన్నట్లు గుర్తించారు. ఎమ్మెల్యే వాహనాన్ని ఫాలో అవుతూ.. వెకిలి చేష్టలకు పాల్పడుతున్నవారి నుంచి వాహనాన్ని తప్పించుకునేందుకు వేగం పెంచినా.. వారు వదిలిపెట్టకుండా అసభ్యకర సైగల్ని చేశారు.

దీంతో ఎమ్మెల్యే అనుచరులు వాహనాల్లో వెంబడించి ఆ ఆకతాయుల్నిపట్టుకున్నారు. గ్రామస్తులు.. అంగరక్షకులు ఆ యువకులకు బుద్ధి చెప్పారు.పోలీసులకు ఫిర్యాదు చేసి.. వారికి అప్పగించారు. ఒక మహిళా ఎమ్మెల్యేనేస్వయంగా ఆకతాయుల వేధింపులకు గురి కావటం చూస్తే.. పరిస్థితులు ఎంతదారుణంగా ఉన్నాయో తెలిసే పరిస్థితి.

Like Us on Facebook : https://www.facebook.com/Tupakidotcom/