లోకేశ్​ మార్క్ యాక్షన్​.. వైల్డ్​గా లియో ట్రైలర్​

తమిళ స్టార్ హీరో దళపతి విజయ్‌ - విక్రమ్ ఫేమ్​ దర్శకుడు లోకేశ్‌ కనగరాజ్‌ కాంబోలో తెరకెక్కిన లేటెస్ట్​ భారీ యాక్షన్ ఎంటర్​టైనర్​ మూవీ 'లియో'. అక్టోబర్‌ 19న ప్రేక్షకుల ముందుకు వచ్చేందుకు సిద్ధం అయింది. ఈ నేపథ్యంలో తాజాగా లియో ట్రైలర్‌ను విడుదల చేశారు మేకర్స్.

ఈ ప్రచార చిత్రం ఆద్యంతం.. లియోదాస్‌ అండ్​ పార్దిగా విజయ్‌ యాక్టింగ్​, ఆయనపై షూట్ చేసిన యాక్షన్‌ సీక్వెన్స్​ హై ఓల్టేజ్​లో ఉన్నాయి. ఇక అర్జున్‌ పై షూట్​ చేసిన సీన్స్‌ కూడా ఆకట్టుకునే రేంజ్​లో ఉన్నాయి. ముఖ్యంగా అనిరుధ్‌ అందించిన బ్యాక్​ గ్రౌండ్ మ్యూజిక్ అదిరిపోయింది.

"సీరియల్ కిల్లర్ నడిరోడ్డు మీద గుడ్డిగా షూట్ చేస్తున్నాడు.. ఆల్రెడీ రోడ్డు మీద చాలా మంది చనిపోయారు. వాడు చాలా క్రూరుడు.. వాడు అందరిని కాలుస్తున్నాడు.. అప్పుడు దైర్యంగా ఒక పోలీస్​ ఆఫీసర్ సింహంలా వచ్చి ఆ సీరియల్​ కిల్లర్​ను కాల్చాడు. ఇప్పుడు ఆ ఆఫీసర్​ కాల్చిన గన్.. నీ చేతిలో ఉంది.." అంటూ విజయ్ వాయిస్ ఓవర్​తో ట్రైలర్ ప్రారంభమైంది.

ఈ వాయిస్​ ఓవర్​ ప్లే అవుతుండగానే యాక్షన్ సీన్స్​ను అద్భుతంగా చూపించారు. ఆ తర్వాత కిల్లర్​ను చంపింది పార్దీ(విజయ్) అనుకుని విలన్స్ అతడిని, అతడి కుటుంబాన్ని చంపడానికి ప్రయత్నించడం, వారి నుంచి పార్ది తప్పించుకోని తిరగడం, ఆ తర్వాత చేసేదేమి లేక తిరగబడటం చూపించారు. అయితే కిల్లర్​ను చంపింది తాను కాదని, తనలా ఉన్న మరోడని పార్దీ చెప్పడం, అంతలోనే వైల్డ్​గా ఉన్న లియోదాస్​( మరో విజయ్​)ను చూపించడం అంతా పవర్​ ఫుల్​గా సాగింది.

అసలు ఈ లియో ఎవరు.. ? ఎందుకు సీరియల్​ కిల్లర్​ను చంపాడు. లియో, పార్దీ ఇద్దరు ఒకేలా ఎందుకు ఉన్నారు? లేదా ఇద్దరు ఒకటేనా తెలియాలంటే సినిమా వచ్చే వరకు వేచి ఉండాల్సిందే. ఇకపోతే ఈ సినిమా అక్టోబర్ 19న వరల్డ్​ వైడ్​గా విడుదల కానుంది. మరి ఈ సినిమా ఎలాంటి ఫలితాన్ని అందుకుంటుందో చూడాలి.