టెక్ బిట్‌: ఇక బైక్‌లు కార్లు కొన‌డం అన‌వ‌స‌రం!

అవును.. ఇది నిజం! ఇకమీద‌ట బైక్‌లు కార్లు కొనడం అన‌వ‌స‌రం. ఒక‌వేళ కొనుక్కున్నా ఇంట్లో ఒక మూల‌న పెట్టుకోవాలి. ఎందుకంటే 2030 నాటికి వీటికి ఆల్ట‌ర్నేట్ వాహ‌నాలు... అందునా గాల్లో ఎగిరే వాహ‌నాలు అందుబాటులోకి రానున్నాయి. అయితే ఇవి సామాన్యుడికి అందుబాటులోకి వ‌చ్చేందుకు అద‌నంగా కొన్నేళ్లు ప‌ట్టొచ్చేమో కానీ, భ‌విష్య‌త్ ప్ర‌యాణం అమాంతం మారిపోయేందుకు ఆస్కారం లేక‌పోలేదు. ఇది నిజంగా ఒక గొప్ప ఇన్నోవేష‌న్ కాబోతోందని అంచ‌నా. మారుతున్న సాంకేతిక‌త‌తో ఏదైనా సాధ్య‌మేన‌ని నిరూపణ కాబోతోంది.

ఇటీవ‌ల కొంత‌కాలంగా ప్ర‌భాస్ క‌థానాయ‌కుడిగా నాగ్ అశ్విన్ తెర‌కెక్కిస్తున్న 'క‌ల్కి' (ప్రాజెక్ట్ కే) గురించి ఆస‌క్తిక‌ర చ‌ర్చ సాగుతోంది. ఈ ఫాంట‌సీ ఫిక్ష‌న్ సినిమాలో భ‌విష్య‌త్ వాహ‌నాలు ఎలా ఉంటాయో చూపించ‌బోతున్నార‌న్న ప్ర‌చారం ఉంది. అంటే నాగ్ అశ్విన్ పూర్తిగా అధునాత‌న సాంకేతిక‌త‌తో ప్ర‌పంచం ఎలా మార‌నుందో చూపించ‌బోతున్నారు. రొటీన్ గా భూమిపై ప్ర‌యాణించే వాహ‌నాల‌కు భిన్నంగా నాగ్ అశ్విన్ ఏం చూపించ‌బోతున్నారు? అన్న‌ది కూడా చూడాలన్న ఆస‌క్తిని పెంచింది.

ఇప్పుడు జ‌ప‌నీ సంస్థ ఆవిష్క‌రణ కూడా దీనికి సంబంధీకంగా క‌నిపిస్తోంది. ఆస‌క్తిక‌రంగా ఎగిరే బైక్ ని త‌యారు చేయాల‌ని క‌ల‌లుగ‌న్న స‌ద‌రు జపనీస్ వైమానిక బైక్ తయారీదారు ఇప్పుడు భూమికి కొన్ని మీట‌ర్ల ఎత్తులో ఎగిరే విమాన బైక్ ని క‌నిపెట్టాడు. దీనిని హోవ‌ర్ బైక్ అని పేరు పెట్టాడు. త‌న తొలి Xturismo లిమిటెడ్ ఎడిషన్ హోవర్‌బైక్‌ను 2022 డెట్రాయిట్ (ఆస్ట్రేలియా) ఆటో షోలో ప్రదర్శించాడు.

అయితే దీని త‌యారీకి అయిన ఖ‌ర్చు వ‌ల్ల జపాన్ ALI టెక్నాలజీస్ దివాలా తీసింద‌ని విన‌డం కొంత ఆందోళ‌న‌క‌రం. ALI టెక్నాలజీస్ వారి Xturismo లిమిటెడ్ ఎడిషన్ హోవర్‌బైక్ ఫంక్షనల్ ప్రోటోటైప్‌ను విజ‌య‌వంతంగా రూపొందించగలిగింది. అయితే దీని అభివృద్ధికి విపరీతమైన ఖర్చు అయింది. భవిష్యత్ రవాణా పరిష్కారాలలో సంచ‌ల‌నంగా మార‌నున్న ఒక గొప్ప ఆవిష్క‌ర‌ణ జ‌రిగినా దీనిని మ‌రింత అభివృద్ధి చేసేందుకు దిగ్గ‌జ కంపెనీల సాయం అవ‌స‌రాన్ని ఇది నొక్కి చెబుతోంది. భారీ ప్ర‌యోగాల త‌ర్వాత ఖ‌ర్చును త‌గ్గించి ప్ర‌జ‌ల‌కు అందుబాటులోకి తేవాలంటే మ‌రిన్ని ప్ర‌యోగాల అవ‌స‌రాన్ని ఇది సూచిస్తోంది.

గ్లామిస్ డ్యూన్స్ ATV, స్నోమొబైల్ ... ల్యూక్ స్కైవాకర్స్ ల్యాండ్ స్పీడర్ మధ్య క్రాస్ బ్రీడ్ ను పోలి ఉండే Xturismo హోవ‌ర్ బైక్ ప్ర‌యాణం చాలా భిన్న‌మైన‌ది. గాల్లో చాలా ఎత్తున ఎగిరే విమానాలు హెలికాప్టర్‌లతో కలవ‌కుండా భూమి ఉపరితలం నుండి కేవలం కొన్ని మీటర్ల ఎత్తులో ప్రయాణించేలా దీనిని రూపొందించారు. డెట్రాయిట్‌లో ప్రదర్శించిన మోడల్ దాని పెట్రోల్-ఎలక్ట్రిక్ కవాసకి హైబ్రిడ్ ఇంజన్ సౌజన్యంతో 100 kmph వేగంతో 299 కిలోల బరువుతో 40 నిమిషాల పాటు ఎగురింది.

ALI ఒక సమయంలో యూనిట్‌కు 7,70,000 డాల‌ర్లు ఖ‌ర్చ‌వుతోంద‌ని వెల్ల‌డించింది. ఈ వాహ‌నం రెడీ అయితే పైలట్ లైసెన్స్‌ని కలిగి ఉండటానికి చాలా దేశాలకు ప్రయాణీకులు అవసరమయ్యే అవకాశం ఉంది (జపాన్ ఒక మినహాయింపు). ఆస‌క్తిక‌రంగా స‌ద‌రు కంపెనీ UAEలోని ప్రభుత్వ ఆధ్వర్యంలోని కంపెనీకి 20 హోవర్‌బైక్‌లను అందించే ఒప్పందంపైనా సంత‌కం చేసింది. నిజానికి కాన్సెప్ట్ బేస్డ్ షేర్డ్ మొబిలిటీ పెరుగుదల కారణంగా ఫ్లయింగ్ మెషీన్‌లు ప్రస్తుతం పరిశ్రమలో భారీ డిమాండ్‌ని క‌లిగి ఉన్నాయి. హ్యుందాయ్‌ సహా అనేక సంస్థలు ఇప్పుడు e-VTOLలను పరీక్షిస్తున్నాయి. ఇవి 2030 నాటికి వెలుగు చూడగలవు. ఇంతకుముందు ప్రైవేట్ మొబిలిటీకి ప్రాధాన్యత ఇచ్చినా కానీ ట్రెండ్ ఇటీవల షేర్డ్ మొబిలిటీకి మారింది. అదనంగా ప్రజలు భవిష్యత్తు కోసం గాలిలో ఎగిరే వాహ‌నాల అభివృద్ధిపై దిగ్గ‌జ కంపెనీలు పని చేస్తున్నాయి. ఏది ఏమైనప్పటికీ ఇది వాస్తవంగా మారాలంటే విప‌రీత‌మైన జ‌న‌సాంద్ర‌తతో స‌త‌మ‌త‌మ‌య్యే భారతదేశానికి సరైన విధాన మార్గదర్శకం అవసరం. భూమికి త‌క్కువ ఎత్తులో ఎగిరే వాహ‌నాలను అభివృద్ధి చేయాలంటే భార‌త ప్ర‌భుత్వం పూర్తి స్థాయిలో దృష్టి సారించాల్సి ఉంటుంది. దీనికి రిల‌య‌న్స్ ఇండ‌స్ట్రీస్, అదానీ గ్రూప్ స‌హా ఇత‌ర‌ దిగ్గ‌జ కార్పొరెట్ల స‌హ‌కారం చాలా అవ‌స‌రం.