బంగారం చోరీపై నటి సీత పోలీసులకు ఫిర్యాదు
ఈ క్రమంలో తన ఇంట్లో ఉంచిన 2 1/2 సవర్ల బంగారం కనిపించడం లేదని విరుగంబాక్కం పోలీస్ స్టేషన్‌లో ఫిర్యాదు చేసారు.
తన ఇంట్లో ఉంచిన రెండున్నర సవర్ల నగలు మాయమైనట్లు సీనియ‌ర్ నటి సీత పోలీసులకు ఫిర్యాదు చేసారు. సీత, తన భర్త పార్థిబన్ నుంచి విడాకులు తీసుకున్న తర్వాత, సీరియల్ నటుడు సతీష్‌ని రెండవ సారి వివాహం చేసుకుని అతని నుండి కూడా విడిపోయారు. ప్రస్తుతం ఆమె విరుగం బాక్కం- చెన్నైలోని పుష్ప కాలనీలో నివసిస్తున్నారు.
ఈ క్రమంలో తన ఇంట్లో ఉంచిన 2 1/2 సవర్ల బంగారం కనిపించడం లేదని విరుగంబాక్కం పోలీస్ స్టేషన్‌లో ఫిర్యాదు చేసారు. మిగతా నగలన్నీ ఉన్నా.. ఆ న‌గ ఒక్క‌టి మాత్ర‌మే కనిపించకపోవడంతో తనకు తెలిసిన వారు లేక ఇంట్లో పనిచేసేవారు ఎవరైనా తీసుకెళ్లి ఉంటారనే అనుమానంతో సీత ఈ ఫిర్యాదు చేసారు. నగల చోరీకి పాల్పడిన నిందితుడు ఎవరనే కోణంలో పోలీసులు విచారణ కొనసాగిస్తున్నారు.
నటి సీత ఇటీవల జయం రవి నటించిన `బ్రదర్` చిత్రంలో నటించింది. తమిళం, తెలుగు, మలయాళం, కన్నడ మొదలైన భాషలలోనే కాకుండా ప‌లు భాషలలో సీత సుప‌రిచితురాలు. సీత బుల్లితెరపైనా ప‌లు సీరియల్స్‌లో కూడా నటించారు. ఈ ఏడాది హాట్‌స్టార్ ఓటీటీలో విడుదలైన `మై పర్ఫెక్ట్ హ‌జ్బెండ్` అనే వెబ్ సిరీస్ .. Zee5 ఓటీటీ ప్లాట్‌ఫారమ్‌లో స్ట్రీమ్ అయిన `తంతువిట్టెన్ ఎన్నై`లోను నటించారు.