ర‌వితేజ చెప్ప‌కుండా ఛాన్స్ ఇచ్చి చూపించాడు!

తెలుగు అమ్మాయిల‌కు ఛాన్సులు ఇవ్వాల‌ని 'బేబి' సక్సెస్ నేప‌థ్యంలో వైష్ణ‌విచైత‌న్య ఎంట్రీని ఉద్దేశించి వ‌క్త‌లంతా ఏ రేంజ్ లో ఊదారో తెలిసిందే. అల్లు అర్జున్ అంద‌రికంటే ఓ అడుగు ముందుకే సి తెలుగు అమ్మాయిల ఎంట్రీ విష‌యంలో ఓ లీడ్ తీసుకుని మాట్లాడారు. ఇంత‌వ‌ర‌కూ ఏ తెలుగు హీరో ఇలా మాట్లాడింది లేదు. అటుపై అల్లు అర‌వింద్ స‌హ కొంత మంది నిర్మాత‌లు మైక్ దొరికిన సంద‌ర్భాల్లో మాట్లాడారు.

మ‌రి వాళ్ల‌లో ఎంత మంది తెలుగు అమ్మాయిల‌కు అవ‌కాశాలు ఇస్తున్నారు? అన్న‌ది తెలియ‌దు గానీ! మాస్ రాజా ర‌వితేజ మాత్రం ఏకంగా ఛాన్స్ ఇచ్చి నిరూపించాడు. ఇక్క‌డ మాట‌ల్లేవ్.. మాట్లాడుకో వ‌డాల్లేవ్..ఓన్లీ యాక్ష‌న్ అన్న త‌ర‌హాలో చేసి చూపించారు. ప్ర‌స్తుతం ర‌వితేజ సొంత బ్యాన‌ర్ ఆర్ టీ. టీమ్ వ‌ర్క్స్ ప‌తాకంపై 'ఛాంగురే బంగారు రాజా' అనే సినిమా నిర్మిస్తోన్న సంగ‌తి తెలిసిందే. ఈసినిమాతో కార్తీక్ ర‌త్నం పూర్తి స్థాయి హీరోగా ప‌రిచ‌యం అవుతున్నాడు. అలాగే ఇదే సినిమాతో తెలుగమ్మాయి కూడా హీరోయిన్గా ప‌రిచ‌య‌మ‌వుతోంది.

ఆమె పేరు గోల్డీ నిస్సీ. తెలుగు అమ్మాయి. కొన్ని షార్ట్‌ ఫిల్మ్స్ లో న‌టించింది. అవి యూట్యూబ్ లో బాగానే వైర‌ల్ అయ్యాయి. ఆ వేదిక‌గా గోల్డీ బాగానే ఫేమ‌స్ అయింది. ఇదే క్ర‌మంలో సినిమాల్లోనూ ప్ర‌య‌త్నిం చింది. ఈ నేప‌థ్యంలో రవితేజ ప్రొడక్షన్‌లో ఆడిషన్స్‌ జరుగుతున్నాయని తెలుసుకుని ఆడిషన్ ఇచ్చింది. పాత్ర‌కి ఆమె సూట‌వ్వ‌డంతో వెంట‌నే ఎంపిక చేసారు. అయితే ఈ విష‌యంలో గోల్డీ వాళ్ల‌మ్మ‌కి థాంక్స్ చెప్పాలంటోంది.

త‌న ఇష్టాన్ని అర్దం చేసుకుని వాళ్ల అమ్మే స్వ‌యంగా ఆడీష‌న్ కి తీసుకెళ్లేవారుట‌. ఆ ర‌కంగా గోల్డీ తొలి చాన్స్ అందుకుంది. సినిమాపై పాజిటివ్ వైబ్ క్రియేట్ అవుతుంది. మ‌రి అమ్మ‌డి ఫేట్ ని నిర్ణ‌యించేది మాత్రం స‌క్సెస్ ఒక్క‌టే. బేబి లా స‌క్సెస్ అయితే గోల్డీ లైఫ్ వైష్ణ‌వి లా సాపీగా సాగిపోతుంది.