పిక్ టాక్ : 'దేశముదురు' అందాల ఆరబోత

అల్లు అర్జున్‌ హీరోగా నటించిన దేశముదురు సినిమా తో 2007 సంవత్సరం లో హన్సిక మోత్వాని ఎంట్రీ ఇచ్చిన విషయం తెల్సిందే. మొదటి సినిమా తోనే అందరి దృష్టిని ఆకర్షించిన ముద్దుగుమ్మ హన్సిక టాలీవుడ్ లో పలువురు యంగ్‌ స్టార్‌ హీరోలకు జోడీగా నటించే అవకాశం దక్కించుకుంది. ఒక వైపు తెలుగు లో నటిస్తూనే మరో వైపు తమిళనాట తన సత్తా చాటింది.

ఈ 32 ఏళ్ల ముద్దుగుమ్మ పుష్కర కాలంగా వరుస సినిమాలతో బిజీ బిజీగా ఉంటూనే ఉంది. ముఖ్యంగా తమిళం లో వరుసగా సినిమాలు చేస్తూ ఉంది. అక్కడ ఏడాదికి నాలుగు అయిదు సినిమాలతో ప్రేక్షకుల ముందుకు వస్తుంది. ప్రస్తుతం కూడా ఆమె చేతిలో నాలుగు అయిదు సినిమాలు ఉన్నాయి. అందులో కొన్ని లేడీ ఓరియంటెడ్‌ సినిమాలు కాగా, కొన్ని కమర్షియల్‌ సినిమాలు కూడా ఉన్నాయి.

ఇటీవలే ఈ అమ్మడు చిరకాల ప్రియుడిని వివాహం చేసుకుంది. పెళ్లి తర్వాత సాధారణంగా సౌత్‌ హీరోయిన్స్ అందాల విందు విషయంలో కాస్త తగ్గుతారు. కానీ హన్సిక మాత్రం అప్పటికి ఇప్పటికి ఏమాత్రం తేడా లేకుండా అందాల ఆరబోత చేస్తుంది. ఆకట్టుకునే ఈ అమ్మడి అందాల ఆరబోత సోషల్‌ మీడియాలో రెగ్యులర్‌ గా వైరల్‌ అవుతూనే ఉంది.

ముద్దుగుమ్మ హన్సిక మరోసారి సోషల్‌ మీడియాలో సందడి చేస్తోంది. దేశ ముదురు సమయంలో ఎలా అయితే ఉందో ఇప్పుడు కూడా అలాగే ఉందంటూ తెలుగు ప్రేక్షకులు, తెలుగు అభిమానులు మాట్లాడుకుంటున్నారు. దేశముదురు అందాలు అంటూ హన్సిక ఫోటోలకు నెటిజన్స్ కామెంట్స్ చేస్తూ తెగ లైక్స్ చేస్తూ ఫోటోలను షేర్‌ చేసుకుంటున్నారు.

ఈ మధ్య కాలంలో తెలుగు సినిమాలకు దూరంగా ఉంటున్న హన్సిక వచ్చే ఏడాది కనీసం ఒక్క తెలుగు సినిమాతో అయినా వచ్చే అవకాశాలు కనిపిస్తున్నాయి. తెలుగు లో ఈమె చివరి సారి తెనాలి రామకృష్ణ బీఏ బీఎల్‌ సినిమాలో సందీప్ కిషన్ కి జోడీగా నటించింది. ఆ సినిమా నిరాశ పరచడం తో తెలుగు లో కొత్త సినిమా కు కమిట్‌ అవ్వలేదు. ప్రస్తుతం చర్చలు జరుగుతున్నట్లు గా తెలుస్తోంది.