పూజాహెగ్డే బ్యాక్ టూ పెవిలియ‌న్ త‌ప్ప‌డం లేదా?
అమ్మ‌డు మళ్లీ బ్యాక్ టూ పెవిలియ‌న్ అన్న‌ట్లుగా టాలీవుడ్ లో షురూ చేస్తున్న‌ట్లు తెలుస్తోంది
ముంబై బ్యూటీ పూజాహెగ్డే ఒక్క‌సారిగా టాలీవుడ్ కి దూర‌మైన సంగ‌తి తెలిసిందే. బాలీవుడ్ లో బిజీ అయ్యే ప్ర‌య‌త్నాల్లో భాగంగా అమ్మ‌డు వ‌చ్చిన అవ‌కాశాలు సైతం వ‌దులుకుంది. 'గుంటూరు కారం'లో మెయిన్ లీడ్ కి ఎంపికైనా తిర‌స్క‌రించి బాలీవుడ్ కి వెళ్లిపోయిందంటే? అక్క‌డ రాణించాలి అన్న క‌సి ఏ రేంజ్ లో ఉందో అర్ధ‌మైంది. కానీ ఇది నిన్న‌టి మాట. నేడు స‌న్నివేశం అందుకు భిన్నంగా క‌నిపిస్తుంది.
అమ్మ‌డు మళ్లీ బ్యాక్ టూ పెవిలియ‌న్ అన్న‌ట్లుగా టాలీవుడ్ లో షురూ చేస్తున్న‌ట్లు తెలుస్తోంది. త్వ‌ర‌లోనే సొగ‌స‌రి మళ్లీ తెలుగు సినిమాల‌తో బిజీ అయ్యే ప్ర‌య‌త్నాలు మొద‌లు పెట్టిన‌ట్లు స‌మాచారం. కొన్ని రోజులుగా హైద‌రాబాద్ లోనే తిష్ట వేసి క‌థ‌లు వింటుందిట. వాటిలో కొన్నింటిని ఫైన‌ల్ చేసిన‌ట్లు చెబుతు న్నారు. రెండు సినిమాలు రెడీ స‌మాచారం. అందులో ఒక‌టి నాని స‌ర‌స‌న అని తెలిసింది. నాని హీరోగా త‌మిళ ద‌ర్శ‌కుడు శిబి చక్ర‌వ‌ర్తి ఓసినిమా ప్లాన్ చేస్తోన్న సంగ‌తి తెలిసిందే.
అందులో హీరోయిన్ గా పూజా హెగ్డేని ఎంపిక చేసిన‌ట్లు స‌మాచారం. అలాగే మెగా మేన‌ల్లుడు సాయితేజ్ ప్రాజెక్ట్ లోనూ ఛాన్స్ పూజాకే ఇస్తున్న‌ట్లు వినిపిస్తోంది. మ‌రోవైపు మ‌ల‌యాళం హీరో దుల్కార్ స‌ల్మాన్ కొత్త సినిమాలోనూ బుట్ట‌బొమ్మ‌కే ఛాన్స్ ఇచ్చిన‌ట్లు గుస గుస వినిపిస్తుంది. వీటి వివ‌రాలు అతి త్వ‌ర‌లోనే పూజ ప్ర‌క‌టించ‌నుంద‌ని స‌మాచారం. పూజాహెగ్డేకి టాలీవుడ్ కి తిరిగి రాగానే ఇలా అవ‌కాశాలు రాక‌పోవ‌డానికి ఓకార‌ణం ఉందండోయ్. అమ్మ‌డు ఫెయిలై బాలీవుడ్ కి వెళ్ల‌లేదు.
స‌క్సస్ ల్లో ఉండ‌గానే కొన్ని ప్ర‌త్యేక కార‌ణాల‌తో బాలీవుడ్ కి వెళ్లింది. కానీ అక్క‌డ ప‌రిస్థితులు పూజాకి అనుకూలంగా క‌నిపించ‌లేన‌ట్లుంది. 'కిసీకా భాయ్ కిసీకా జాన్'..'సిర్క‌స్' లాంటి సినిమాలు భారీ అంచ‌నాల మ‌ధ్య రిలీజ్ అయినా వైఫ‌ల్యాలు త‌ప్ప‌లేదు. ఆ త‌ర్వాత కొత్త అవ‌కాశాలు రాలేదు. దీంతో లాభం లేద‌నుకున్న పూజా మళ్లీ టాలీవుడ్ వైపు చూస్తున్న‌ట్లు తెలుస్తోంది.