అలా హింట్ ఇచ్చి టీజ్ చేస్తున్న ర‌ష్మిక

విజయ్ దేవరకొండ - రష్మిక మందన్న డేటింగ్‌లో ఉన్నట్లు చాలా కాలంగా పుకార్లు ఉన్నాయి. అయితే ఇద్దరిలో ఎవరూ తమ సంబంధాన్ని ధృవీకరించలేదు లేదా అంగీకరించలేదు. వారు ఎల్లప్పుడూ ఒకరికొకరు చాలా ప్రత్యేకమైన గొప్ప స్నేహితులం మాత్ర‌మేన‌ని చెబుతున్నారు. అయినా కానీ మళ్లీ మళ్లీ అభిమానులు వారి ఇన్‌స్టాగ్రామ్ ఫోటోల‌ను డీకోడ్ చేస్తూ వారి రిలేష‌న్ స్టాట‌స్ ఎలాంటిదో అంచ‌నా వేస్తున్నారు. ఆ ఇద్ద‌రూ క‌లిసే వెకేష‌న్ కి వెళ్లార‌ని లేదా డెస్టినేష‌న్ కి చేరాక క‌లుసుకున్నార‌ని క‌నిపెట్టేస్తున్నారు. తాజాగా ర‌ష్మిక షేర్ చేసిన ఓ ఫోటోగ్రాఫ్ లో కొత్త విష‌యం బ‌య‌ట‌ప‌డింది.

యానిమ‌ల్ టీజర్ విడుదలైన అనంత‌రం విజయ్ దేవరకొండ రష్మిక మందన్నను `డార్లింగ్` అని పిలిచాడు. సందీప్ రెడ్డి వంగా క్రైమ్ థ్రిల్లర్ `యానిమల్`లో గీతాంజలి పాత్రలో రష్మిక మందన్న నటించింది. ఈ చిత్రం టీజర్‌కు మంచి స్పందన వచ్చింది. విజయ్ దేవరకొండ సోషల్ మీడియాలో తన శుభాకాంక్షలు తెలిపారు.

ఒక ఫోటోలో ర‌ష్మిక‌ ఒక కేఫ్‌లో కూర్చొని ఉంది. అదే సమయంలో ఒక వీడియోలో తన గ‌మ్య‌ స్థానాన్ని వెతుకుతున్నట్లు క‌నిపించింది. రష్మిక ఈ పోస్ట్‌ను షేర్ చేసి, ``మొదటి ఫోటోగమ్యస్థానం.. వీడియోలో నేను ఆ గమ్య‌స్థానాన్ని కనుగొనడానికి ప్రయత్నించాను.. జ‌ర్నీ డేస్‌ని మిస్ అవుతున్నాను`` అని రాశారు. ర‌ష్మిక ఉద్ధేశాన్ని అభిమానులు వెంట‌నే క‌నిపెట్టేశారు. ఈ ఫోటో టర్కీలో తీసిన‌ది. కొంతకాలం క్రితం విజయ్ తన ఖుషి సినిమా షూటింగ్ టర్కీలో ఉన్నప్పుడు అదే నేపథ్యంతో ఉన్న ఫోటోని షేర్ చేసాడు. ఇప్పుడు అదే చోటు నుంచి ర‌ష్మిక ఫోటోని షేర్ చేయడాన్ని అభిమానులు క‌నిపెట్టేసారు.

అయితే ట‌ర్కీలో స‌మంత‌తో క‌లిసి విజ‌య్ షూటింగులో పాల్గొన్నాడు. ర‌ష్మిక తాజా ఫోటోని షేర్ చేయ‌గా ఒక అభిమాని బోలెడంత ఫ‌న్ క్రియేట్ చేసాడు. ``విజయ్ కూడా మీతో ఉన్నాడు !! అతను టర్కీలో ఫుడ్ కోర్టు నుంచి అవే ఫోటోలను పోస్ట్ చేసాడు.. క‌నిపెట్టేసాను గ‌య్స్ అని రాసాడు.``యా యా మీరు ప్రయాణ రోజులు మిస్సయ్యారు.. మీ కామ్రేడ్`` అంటూ రాసాడు. లొకేషన్ బ్యాక్‌గ్రౌండ్‌లో ఉన్న సారూప్యత కారణంగా రష్మిక - విజయ్ కలిసి జీవిస్తున్నారని అభిమానులు తరచుగా ఊహిస్తున్నారు. కానీ ఆ ఇద్ద‌రూ క‌లిసే ఉన్నారా విడివిడిగా ఉన్నారా? అన్న‌దానికి వంద‌శాతం క్లారిటీ లేదు.

కెరీర్ మ్యాట‌ర్ కి వ‌స్తే.. రష్మిక బాలీవుడ్ డెబ్యూ `గుడ్‌బై` అక్టోబర్ 7నాటికి ఒక సంవత్సరం పూర్తి చేసుకుంది. ఆ తర్వాత సిద్ధార్థ్ మల్హోత్రాతో కలిసి `మిషన్ మజ్ను`లో కనిపించింది. మరిన్ని హిందీ చిత్రాల‌కు సంత‌కాలు చేసింది. రణబీర్ కపూర్‌తో కలిసి యానిమల్లో ఆమెను చూడాలని అందరూ ఆస‌క్తిగా ఎదురు చూస్తున్నారు. ఇటీవలే రణబీర్ కపూర్ పుట్టినరోజు సందర్భంగా టీజర్ లాంచ్ చేసిన సంగ‌తి తెలిసిందే. త్వ‌ర‌లో యానిమ‌ల్ ట్రైల‌ర్ విడుద‌ల కానుంది. అలాగే పుష్ప 2లోను శ్రీ‌వ‌ల్లి పాత్ర‌లో ర‌ష్మిక క‌నిపించ‌నుంది. ఈ చిత్రం మోస్ట్ అవైటెడ్ పాన్ ఇండియా చిత్రంగా రికార్డుల్లో ఉంది.