ఆ ఇద్ద‌రి బ‌యోపిక్స్ కోసం శ్ర‌ద్దాక‌పూర్!
బాలీవుడ్ లో బ‌యోపిక్ ల క్రేజ్ గురించి చెప్పాల్సిన ప‌నిలేదు. జీవిత క‌థ‌లు అక్క‌డి మేక‌ర్స్ తెర‌కెక్కించి నంతా గొప్ప‌గా మరే మేక‌ర్స్ తెర‌కెక్కించ‌లేరు అన‌డంలో అతిశ‌యోక్తి లేదు.
బాలీవుడ్ లో బ‌యోపిక్ ల క్రేజ్ గురించి చెప్పాల్సిన ప‌నిలేదు. జీవిత క‌థ‌లు అక్క‌డి మేక‌ర్స్ తెర‌కెక్కించి నంతా గొప్ప‌గా మరే మేక‌ర్స్ తెర‌కెక్కించ‌లేరు అన‌డంలో అతిశ‌యోక్తి లేదు. సౌత్ మేక‌ర్స్ కొన్ని ప్ర‌య‌త్నా లు చేసిన‌ప్ప‌టికీ బాలీవుడ్ అంతా ఫీల్ తీసుకురాలేక‌పోయాయి. అందుకే బ‌యోపిక్ ల‌కు బాలీవుడ్ పెట్టింది పేరుగా చెప్పుంకుంటాం. అక్క‌డ బ‌యోపిక్ తెర‌కెక్కిస్తే బాక్సాఫీస్ షేక్ అవ్వాల్సిందే.
అందుకే న‌టీన‌టులంతా జీవిత క‌థ‌ల్లో న‌టించ‌డానికి ఎక్కువ‌గా ఆస‌క్తి చూపిస్తుంటారు. జాన్వీక‌పూర్ ...సారా అలీఖాన్ లాంటి యంగ్ హీరోయిన్లు కూడా బ‌యోపిక్స్ అంటే ఎంతో ఆస‌క్తి చూపిస్తుంటారు. తాజాగా వీళ్లిద్ద‌రికంటే సీనియ‌ర్ బ్యూటీ అయిన శ్ర‌ద్దాక‌పూర్ కూడా బ‌యోపిక్ లపై మన‌సు పారేసుకుంది. ఇటీవ‌ల జ‌రిగిన ఓ ఈవెంట్ లో బ‌యోపిక్స్ ప్ర‌స్తావ‌న రాగా ఆస‌క్తిక‌ర వ్యాఖ్య‌లు చేసింది.
ఎవ‌రి జీవిత క‌థ‌ల్లో న‌టించాల‌ని ఉంది? అని ప్ర‌శ్నించ‌గా... మా బంధువు ప‌ద్మిని కొల్హాపురే.. గాయ‌కురాలు ల‌తా మంగేష్క‌ర్ జీవిత క‌థ‌ల్లో న‌టించాల‌ని ఉంది. అది నాకు ఎప్ప‌టి నుంచో ఉన్న కోరిక. అదొక ల‌క్ష్యంగా మారిపోయింది. కానీ దాన్ని అందుకుంటానో లేదో తెలియ‌దు. కానీ ఆ ఇద్ద‌రు వ్య‌క్తులు ఎంతో గొప్ప‌వారు. వాళ్ల జీవితాల్లో ఎన్నో స‌వాళ్లున్నాయి. వాళ్ల జీవితాల్లో ప్ర‌తీ ద‌శ ఎంతో ఆస‌క్తిక‌రంగా ఉంటుంది.
అలాంటి వ్య‌క్తుల జీవితాల్లో న‌టించాలంటే అదృష్టం కూడా క‌లిసి రావాలి. వ్య‌క్తిగ‌తంగా వాళ్లు సాధించిన ల‌క్ష్యాలు ఎన్నో ఉన్నాయి. అలాంటి వారి జీవితాల్లో న‌టిస్తే నాలాంటి న‌టీమ‌ణుల జీవితానికి సార్ద‌క‌థ ద‌క్కుతుంది` అని అన్నారు. మ‌రి బాలీవుడ్ మేక‌ర్స్ ఆ దిశ‌గా ప్ర‌య‌త్నాలు చేస్తారేమో చూడాలి. ల‌తా మంగీష్క‌ర్ ప్ర‌పంచ వ్యాప్తంగా గుర్తింపు ఉన్న గొప్ప గాయ‌ని. ఆమె జీవిత క‌థ ని తెర‌కెక్కించాల‌ని చాలా మంది మేక‌ర్స్ ప్ర‌య‌త్నాలు చేస్తున్నారు.ఆ పాత్ర కోసం పేరున్న న‌టిని దించాల‌న్న‌ది ప్లాన్. మ‌రి ఆ లిస్ట్ లో శ్ర‌ద్దా క‌పూర్ ఉందా? అన్న‌ది చూడాలి. ప్ర‌స్తుతం శ‌ద్రా క‌పూర్ `స్త్రీ-2 `లో న‌టిస్తోన్న సంగ‌తి తెలిసిందే.