తెల్లవార్లు డాన్స్ బార్‌ లో హీరోయిన్‌ ఏం చేసింది...?

'ది కేరళ స్టోరీ', 'బస్తర్‌' సినిమాలతో పాన్ ఇండియా స్టార్‌ హీరోయిన్‌ గా నిలిచిన ముద్దుగుమ్మ అదా శర్మ. ఈ అమ్మడు తాజాగా సన్‌ఫ్లవర్‌ వెబ్‌ సిరీస్ సీజన్ 2 తో ప్రేక్షకుల ముందుకు వచ్చింది. ఆ వెబ్ సిరీస్ లో మరోసారి తన నట విశ్వరూపం ను అదా శర్మ చూపించి ప్రేక్షకులను అలరించింది.

తాజాగా సన్‌ఫ్లవర్‌ 2 వెబ్ సిరీస్ ప్రమోషన్ లో భాగంగా అదా శర్మ మాట్లాడుతూ ఆసక్తికర వ్యాఖ్యలు చేసింది. సినిమాలో నైట్‌ బార్‌ డాన్సర్‌ గా కనిపించడం కోసం చాలా ప్రత్యేకమైన వర్కౌట్స్ చేశాను. ప్రధానంగా రాత్రి 9 లేదా 10 గంటల నుంచి తెల్లవారుజామున నాలుగు అయిదు గంటల వరకు నైట్ బార్ లో టైమ్ స్పెండ్‌ చేశాను.

డాన్సర్‌ అంటే వారు ఎలా డాన్స్ చేస్తున్నారు అనే విషయం మాత్రమే కాకుండా వారి బాడీ లాంగ్వేజ్ వారు ఎలా కూర్చుంటున్నారు, నడుచుకుంటున్నారు ఇలా అన్ని విషయాల గురించి తెలుసుకోవాలనే ఉద్దేశ్యంతో ఎన్నో రాత్రుల్లు నైట్ డాన్స్ బార్‌ ల్లో పరిశీలించాను అంటూ చెప్పుకొచ్చింది.

అంతగా హోం వర్క్ చేయడం వల్లే సన్‌ఫ్లవర్‌ 2 సిరీస్‌ లో తన పాత్రకు మంచి పేరు వచ్చిందని చెప్పుకొచ్చింది. ది కేరళ స్టోరీ స్థాయిలో బస్తర్‌ సినిమాకు కమర్షియల్‌ గా విజయం దక్కక పోవడం పట్ల ఆమె ఫ్యాన్స్ కాస్త అసంతృప్తితో ఉన్నారు. త్వరలో మరో భారీ సినిమా తో వస్తానంటూ అదా శర్మ తాజా ఇంటర్వ్యూలో చెప్పుకొచ్చింది.