శంకర్ కూతురు… ఏకంగా ఐదు సినిమాలు

కోలీవుడ్ ఇండస్ట్రీలో స్టార్ డైరెక్టర్ గా తనకంటూ ప్రత్యేకమైన బ్రాండ్ ని శంకర్ క్రియేట్ చేసుకున్నారు. భారీ బడ్జెట్ చిత్రాల కు కేరాఫ్ అడ్రస్ గా సౌత్ ఇండస్ట్రీలో శంకర్ పేరు వినిపిస్తూ ఉంటుంది. సౌత్ లో ఫస్ట్ టైం 100 కోట్లకు పైగా బడ్జెట్ తో సినిమా చేసిన డైరెక్టర్ గా శంకర్ గుర్తింపు తెచ్చుకున్నారు. ప్రస్తుతం ఆయన రెండు పాన్ ఇండియా సినిమాల ను తెరకెక్కిస్తున్నారు. గ్లోబల్ స్టార్ రామ్ చరణ్ తో గేమ్ చేంజర్ మూవీ షూటింగ్ దశలో ఉంది.

దిల్ రాజు ఈ చిత్రాన్ని 200 కోట్ల భారీ బడ్జెట్ తో నిర్మిస్తున్నారు. మరోవైపు కమల్ హాసన్ హీరోగా ఇండియన్ 2 మూవీ కూడా తెరకెక్కుతోంది. సుమారు 300 కోట్లు ఈ సినిమా కోసం సన్ పిక్చర్స్ ఖర్చుపెడుతోంది. ఇదిలా ఉంటే డైరెక్టర్ శంకర్ కూతురు అదితి శంకర్ ప్రస్తుతం తమిళ్ ఇండస్ట్రీలో హీరోయిన్ గా అడుగుపెట్టింది. రీసెంట్ గా శివ కార్తికేయన్ హీరోగా వచ్చిన మహావీరుడు సినిమా లో అదితి శంకర్ నటించింది.

దీనికంటే ముందు మరో చిత్రం లో ప్రేక్షకుల ముందుకు వచ్చింది. అయితే నటిగా ఆమె ఆశించిన స్థాయిలో ప్రేక్షకుల ను మెప్పించలేదని చెప్పాలి. కానీ మరో మూడు సినిమాలు అదితి శంకర్ చేతి లో ఉండడం విశేషం. ఇవన్నీ కూడా షూటింగ్ దశలోనే ఉన్నాయి. అయితే ఈ బ్యూటీకి కేవలం తండ్రి బ్రాండ్ ఇమేజ్ కారణంగానే అవకాశాలు వస్తున్నాయని ప్రచారం తమిళ ఇండస్ట్రీలో జోరుగా వినిపిస్తోంది.

నటిగా మెప్పించ లేకపోయిన కూడా శంకర్ మీద ఉన్న రెస్పెక్ట్ తో అదితి శంకర్ కి హీరోయిన్ గా అవకాశాలు ఇస్తున్నారనే విమర్శలు వినిపిస్తున్నాయి. అయితే ఈ విమర్శల కు అదితి శంకర్ పుల్ స్టాప్ పెట్టాల్సిన అవసరం ఉంది. సౌత్ ఇండస్ట్రీలో ఫ్యామిలీ బ్యాగ్రౌండ్ నుంచి హీరోయిన్స్ గా వచ్చిన తారలు చాలా తక్కువ మంది. ఐశ్వర్య రాజేష్ తమిళ్ లో స్టార్ హీరోయిన్ గా ఉంది. అయితే ఆమె తండ్రి చనిపోయిన తర్వాత సినిమా ఇండస్ట్రీలోకి అడుగుపెట్టింది.

ఇప్పుడు అదితి శంకర్ కూడా తండ్రి ఇమేజ్ తోనే హీరోయిన్ గా టాలీవుడ్ లోకి అడుగుపెడుతున్న తన మార్క్ చూపించుకుని ప్రయత్నం చేస్తోంది. నెక్స్ట్ రాబోయే సినిమాల తో కచ్చితంగా నటిగా తనని తాను ప్రూవ్ చేసుకోవడానికి రెడీ అవుతోంది.